ආග්‍ර

48.

"ඔතනින් යං ඉස්සරහට "
මං කීවේ කැලෙ අස්සෙ නැවතිලා බලන් ඉන්න පමිතට.

ඌයි මමයි ආග්‍රයයි මේඝනයි යන්නෙ ඔයට.ආග්‍රයා නම් එන්න කැමති උනේ නෑ.හැබැයි ඌ මට තනියට ආවා.නැත්තම් මුං දෙන්නා එක්ක ගිහින් මට කොන් වෙන්න වෙන්නේ.මේඝනාගෙ අම්මගෙ කීමට ආවට මටත් මේ උඩැක්කිය එක්ක යන්න කිසිම ඇම්මක් තිබ්බෙ නෑ.මේඝනා අරූගෙ ඇගේ එතිලා යනවා හැපින්න වගේ.අරූට ට්‍රැක්ද මන්දා මේ වගේ එකක් කරේ එල්ලගත්තේ.ඇතැම්විට අපේ ආග්‍රයාවගේ බෝධිසත්ව වෙන්න ගියාද දන්නෑ.

ආග්‍රයත් මට ඉස්සරහින් යනවා.අරුන් දෙන්නා ටිකක් ඉස්සර වෙනකන් ඉදලා මම ආග්‍රයාගෙ අතෙන් ඇදලා ගත්තා.

"දුවන්නෙ මොකද.ඉන්නවකො ඔහොම"

"පිස්සුද ළමයෝ.එහාට වෙන්න"

"බෑ.ඉන්නවකො ඔහොම අරුන් නෑනේ"

මං ආග්‍රයාගෙ අත මගෙ අත් අස්සෙ තියාගත්තා.

"දැං යන්"

"හොඳට තියෙයි"

"අනේ තියාගෙන ඉඳගන්නවා මඟුල."

මං ආග්‍රයාගෙ අතත් ගසලා දාලා එන්න ආවා.පකේ ලයින් නෙ ඉතිම් තියෙන්නෙ.මෙච්චර ආදරෙන් ඉන්න හැදුවහම ඝනකම පෙන්නන එක මට පේන්න බෑ.හුත්ත.මං ඌව දාල අරුන්ටත් කලින් ගිහින් ඔයට බැස්සා.අරුන් ඇවිල්ලත් විනාඩි පහකින් විතර තමා ආග්‍රයා ආවේ.මං ඌ දිහා බැලුවේ නෑ.යස්සයා.පලයං.
මං ඌ දිහා නොබලා අරුන් එක්ක ඔය මැදටම ගියා.

මේඝනා නම් අරූගෙ ඇගේ යන්නේ.අරූ ඉතිම් ඒකිව ආදරෙන් එක්ක යනවා.ආග්‍රයා කන්ඩිය උඩට වෙලා බලන් ඉන්නවා.

"ආග්‍ර ඔතන ඉන්නේ එන්නේ නැද්ද?"

ට හුඩු.පමිතා යකෝ.ඌ ඇහුවේ ආග්‍රයාට අතත් වනලා.මං මොකුත් නොකියා වතුර අස්සෙ ඔලුව ඔබාගත්තා.ටිකක් වෙලා ඉඳලා ආග්‍රයා හිනාවක් දාලා ෂෝට පිටින් ඔයට බැස්සා.අරුන් දෙන්න ඉන්න තැන ඉන්න එක හරි නැති නිසා මං උන්ව පහු කරන් ටිකක් ඉස්සරහට ගියා.මේඝනා උනත් පෙඟිලා ඉද්දි පමිතට අවුල් ඇති වගේ හිතුනා මට අපි ඉන්න එක.ආග්‍රයාටත් ඒක හිතන්න ඇති අරුන්ගෙන් ටිකක් ඈතට වෙන්න ඌ මං ගාවට ඇවිදන් ආවා.
මං ඌව දැක්කෙ නෑ වගෙ ලයින් එකක් දුන්නේ ඌත් එහෙමනේ.ටිකකින් ආග්‍ර තව ටික ටික කිට්ටු වෙනවා.පලයන් යන්න යස්සයා.ඌ එන එන ගානට මම ටික ටික ඈතට යනවා.අරුන් ජෝඩුව දැන් අපිට හෙන ඈතයි.තව ටිකක් ඈතට ගිහින් ආග්‍ර මං ළඟට එද්දි මං ඌට එහාට යන්න බැරි වෙන්න අත් දෙකෙන් අල්ලගත්තා.