"උබ අස්වද්දන්න ගියාද බං.මොකක් කොරන්ඩ ගිහින්ද මෙච්චර ගැඹුරට කපා ගත්තේ"
"අත වැදුනා වීදුරුවක"
"ඒ උබත්.පරිස්සමට වැඩක් කොරන්න එපැයි.ඕං මං බෙහෙත් බැන්දා.තෙමාගන්නවා එහෙම නෙවෙයි."
මං ඔලුව වැනුවෙ සුදු අක්කා ගෙනාපු තේක තොලගාන ගමන්.සුදු අක්කා ට්‍රේකත් තුරුලු කරන් දොරට හේත්තු වෙලා බලන් ඉන්නවා.
"මල්ලිට පුලුවන්ද ඉස්කෝලෙ වැඩත් එක්ක වලව්වෙ වැඩට යන්න"
"පුලුවන්.ලොකුවට අවුලක් නෑ"
වෙද නෝනා මං දිහ අහිංසක විදිහට බලලා මගෙ ඔලුව අතගෑවා.
"උබට වරදින්නෑ.සුමනා නොවිදිනා දුක් විදලා උබව ඉලන්දාරියෙක් කොරාට පාඩුවක් නෑ.ඉහළට ඉගෙන ගෙන පලයං.අර අහිංසකීව බලාගනිං මයෙ අම්මා"
මං බලන් ඉද්දි කඩාගෙන බිඳගෙන ඇතුළට ආවේ අම්මා.
"වෙදමහත්තයා.මගෙ කොල්ලට අමාරුද දෙයියනේ"
"ඔච්චර භය වෙන්ට කාරි නෑ.සුමානෙකින් දෙක්කින් සනීප වෙයි."
"ඇත්ත කියපං.මොකක්ද වුනේ."
"අත වැදුනා කීවනේ"
අම්මා හුස්මක් අතැරලා චීත්ත පොටකින් කඳුලු වැලක් පිහිදගත්තා.
"උබ මාව භය කොරලා මරන්නේ.ලේ ගඟ දැකලා තව ඩිංගෙන් මං එලොව යනවා."
"මොනවද අම්මෙ ඔය කියන්නේ.මහ ගානක් නෑ මේක.ගෙදර යං"
මං වෙද මාමටයි නැන්දටයි වැදලා එළියට ආවා.සුදු අක්කා කඩුල්ල පනිනකන් මට අත වැනුවෙ පොඩි එකෙක්ට වගේ.
__________________________________________
"වරෙං.මේ බත් ඩිංග කවන්න"
"අනේ මෙන්න මෙහෙ වරෙං."
"අම්මේ.කෝ දෙන්න මං කන්නම්.ඔයා දැන් නිදාගන් ප්.."
අම්මා බලෙන්ම මගෙ කටට බත් ගුලියක් එබුවා.
"කට වහගෙන කාපං"
මං අම්මා දිහා බලලා හිනා වෙලා ගස් අස්සෙන් ඈතින් පේන වැව දිහා බැලුවා.
"මට ඇත්ත කියපං.සුදුමහත්තයා එක්ක රණ්ඩු කොරාද.මට ඇහුනා ආපු ගමන් අඩව්වට යනවා"
VOCÊ ESTÁ LENDO
ආග්‍ර
Romance"ආග්‍ර,මොකක්ද මේ දැනෙන හැඟීම?" "මම දන්නෙ නැහැ කේත්.ඒත් මං හැඟීමට ගොඩක් ආදරෙයි".....
