ආග්‍රයි මමයි ඉඳන් හිටියෙ ගලක් උඩ.ආග්‍රගෙ අත් දෙකම බෙල්ල වටේ එතිලා.වතුර පාර ගලන් යන දිහා එයා බලන් ඉන්නවා.අපේ ජීවිත වගේ.ගල්පර මැදින් ගෙවෙන කටුක ජීවිත වගේ.ආග්‍ර මං දිහා බලලා මට පොඩි හිනාවක් දුන්නා.මං තව ටිකක් ළඟට ගිහින් ආග්‍රගෙ කර වටෙන් අත දාගත්තා.
ආග්‍ර.මේ දැනෙන සැනසීම වචන කරන්න මට තේරෙන්නෙ නැහැ.උබ එක්ක මේ ගෙවෙන මොහොතෙ මගෙ හිත නිවනවට කොච්චර පිං පඬුරු දුන්නත් මදි වෙයි.
"දැං යං.හවස් වීගෙන එනවා"
මං කීවේ ආග්‍රගෙ අතින් අඳින ගමන්.මගෙ අත අල්ලන් නැඟිටලා ඌ ටවල් එක කරෙන් දාගත්තා.වටෙන් ගොඩෙන් ලාවට කළුවර කරගෙන එනවා.පැය දෙකකට කිට්ටු වෙන්න අපි නාලා. ;)
ආග්‍රයි මායි වලව්වට එද්දි දොරට හේත්තු වෙලා සුදු අක්කා බලන් ඉන්නවා.මං කුස්සිය පැත්තෙන්ම ගෙට ගියේ ආග්‍රටත් එක්ක කහට එකක් දාන්න හිතාගෙන.විභාවිටයි අක්කටයි ආග්‍රටයි කහට කෝප්ප ට්‍රේකෙ තියාගෙන මං සාලෙට ගියේ අම්මගෙ තේක පැන්ට්‍රිය උඩින් තියලා.විභාවි පාඩම් කරන එක කෙසේ වෙතත් පුක උඩ දාගෙන නිදි.දෙකක් ඇන්නට පස්සෙ නැඟිටලා ඒකි තේක බීවෙ කාන්තාරෙට වතුර වැටුණා වගේ.අක්කගෙ තේක මේසෙ උඩින් තියලා මං එළියට ගියේ ආග්‍රයාව හොයාගෙන.එයා ඉන්නවා.ගේ ඉස්සරහා තියෙන සේපාලිකා ගහෙන් මල් කඩ කඩ එයා ඉන්නවා.උබලා දන්නවනේ,හවසට පිපෙන සේපාලිකා කොච්චර සුවඳද කියලා.හරියට මගෙ ආග්‍ර වගේ.මිදුලටම නැමිලා තියෙන මල් ගහේ මල් අතෙන් කඩන දුර.මල් වට්ටිය ගහක් උඩ තියලා,භාගෙට පිපුන සේපාලිකා මල් ආග්‍ර අතෙන් දිඟ අරිනවා.
ඒ රූපේ දිහා පැය ගානක් වුනත් බලන් හිටිය හැකී.ජීවිතෙම වුනත් ඒ රූපෙ දිහා බලන් ඉන්න පුළුවන්.කන්නාඩි දෙකත් හද හද පරිස්සමට මල් හදද්දි ඌ බොහොම ලස්සනයි.හරි නිවුනු පාටයි.මං ඌ ළඟට ගිහින් උගෙ කනට පිබිද්දි අතේ තිබ්බ සේපාලික කැකුළ වැටෙන්න ගිහින් ඌ අල්ල ගත්තා.
"මොනවද ළමයෝ කරන්නේ.තව පොඩ්ඩෙන් වැටෙනවා"
"තේ ගෙනාවා.සීතල නැද්ද.නිවෙන්න කලින් බොන්න.මං ඔය ටික කඩන්නම්"
මං කීවේ මල අතට අරන් තේක උගෙ අතේ තියලා.
මං ට්‍රයි කරේ ආග්‍ර කරා වගේ ඒක කරන්න.ඒ වුනාට වැඩේ සෙට් නෑ.මල මගෙ අතේම චොප්ප වෙනවා.මං ශේප් එකේ විසි කරලා දැම්මෙ ඌම තේක බීලා ඒක කරයි කියලා හිතලා.
YOU ARE READING
ආග්‍ර
Romance"ආග්‍ර,මොකක්ද මේ දැනෙන හැඟීම?" "මම දන්නෙ නැහැ කේත්.ඒත් මං හැඟීමට ගොඩක් ආදරෙයි".....
