වෙනදා වෙලාවට කලින් ටිකක් මං ගෙදරට ගොඩ වුනේ කොට කලිසමක් ගහගෙන ආපයින්ම වලව්වට යන්න.අම්ම කොහොමත් එහෙ නිසා මං ඉස්සරහා දොර වහගෙන වලව්ව පැත්තට ආවා.වැව පහු කරන් ඉස්සරහට යද්දි දැක්කේ වැව් කණ්ඩිය ළඟින් පිපිලා තියෙන ඕලු මල් කඩන්න අත දික් කරන සුදු අක්කව.
"මේ වෙලාවේ ඇයි මල්?"
"ආහ්.මල්ලි.හවසට බුදු පහන තියන්න කියලා අනේ.කොහෙද මගෙ අත දිග මදි.පුලුවන්නම් මාව අල්ලගන්නවද.මං බැහැලා අර මල් ටික කඩාගන්නකන්"
සුදු අක්කා හිනා වෙලා මගෙන් අහනවා.මගෙ හිතේ සුදු අක්කා ගැන තියෙන් හැඟීම එයා දැනගන්න ඕනෙ නැහැයි කියල මං හිතා ගත්තේ කෙල්ල ආග්‍රට තීන්දු කරලයි කියලා දැනගත්ත දවසෙමයි.වචනෙකින් හරි සුදු අක්කා වැරදි කරියක් වෙනවා මට බලන්න ඕනෙ වුනේ නැහැ.
"මෙහෙට එන්න.ඔතනින් ඉන්න.මං කඩලා දෙන්නම්"
අතේ තිබ්බ කෝටු කෑල්ල විසික් කරලා මම වැවට බැස්සා.
අහල පහළ තිබ්බ ඕලු මල් හත අටක් කඩලා මල් පොකුර මං අක්කට දික් කරා.
"ඔය ඇතිද?"
"අර අර දෙකත් කඩන්නකෝ.එතකොට ඇති"
සුදු අක්කා අහිංසක විදිහට මං දිහා බලලා හිනා වුනේ පුලුවන්ද අහන්න වගේ.මං ටිකක් ඉස්සරහට ගිහින් මල් දෙක ඇදලා ගත්තා.මල් දෙකේ නැට්ට ටිකක් යටින් කඩලා දාලා ගොඩක් එද්දි අක්කා හිනා වීගෙන ඉන්නවා.අක්කගෙ මූනත් සුදු ඕලු මලක් වගේ.මං මලේ තිබ්බ වතුර ටික අක්කගෙ මූණට ගැසුවා.
"අප්පෝ තෙමන්න එපා."
අක්කා මල් දෙකත් අරන් වලව්ව පැත්තට දිව්වා.මමත් අක්ක පිටිපස්සෙන් වලව්ව පැත්තට ආවා.
"ආහ් ඔය එන්නේ මහ ඉල්න්දාරියා.යකෝ උබට ඕනෙ වෙලාවට යන්න එන්නද උබට මාසෙට ගානක් දෙන්නේ.උබට ඕනෙ විදිහට මෙතන වැඩ වෙන්නේ නැහැ"
වත්තට අඩිය තියන්න කලින්ම මට ඇහුනෙ ලොකු මැණිකෙගෙ කියවිල්ල.
"අයියෝ අම්මා.මං මේ මල් ටික්ක් කඩා ගන්න ගිහිනුයි මල්ලිත් පරක්කු වුනේ.ඕක අල්ලලා දාන්න.ගන්නකෝ මේ මල් මිට."
YOU ARE READING
ආග්‍ර
Romance"ආග්‍ර,මොකක්ද මේ දැනෙන හැඟීම?" "මම දන්නෙ නැහැ කේත්.ඒත් මං හැඟීමට ගොඩක් ආදරෙයි".....
