وَ مَازَالَ الْمَاضِي يُلاحِقني (مُكتمله)

الفصل التاسع ( كابُوس جَديد)

بسم الله الرحمن الرحيم

______________________________

ظلوا الثلاث يمرحون حتى و صلوا إلي الشقه الخاصه بهم فتح " تليد" الباب و أصتدموا بـ" سُليمان" الذي صاح بهم:

ـ اللّٰه..اللّٰه..أنا قاعد حارق في دمي مش عارف البهوات فين و بتعملوا أيه؟! و أنتوا داخلين بتضحكوا و لا هممكم حاجه ، أربع ساعات في الشارع بتعملوا أيه؟! و قافلين الموبايلات نزلت أدور عليكم عند السوبر ماركت ملقتش حد و..

قاطعهُ "مالك" قبل أن يُكمل باقي جملتهُ المُعلقه وتحدث هو :

ـ بس..بس..يا عم صلَّ على النبي كده ، أيه بالع راديو و مش مدينا فرصه نرد حتى ، أحنا فعلًا كنا في السوبر ماركت بس لقينا " تليد" في الطريق ، و كان مضايق أخدناه و قعدنا في الجنينه اللي جنب البيت يعني لو بصيت كنت هتلاقينا أصلًا و أخدنا الكلام و محسناش بالوقت و الموبايل فصل مني من بدري و "عُدي" مسمعش الموبايل و مش عارف " تليد" كان نازل بالموبايل ولا لا.

تنهد " سُليمان" بقلة حيله و تحدث بهدوء:

ـ عليه أفضل الصلاه والسلام، تمام يا "مالك" بس بعد كده خد بالك لو سمحت أنا مش بتخانق معاك ؛ أنا خايف عليك ؛ أنت عارف أنك دايمًا مستهدف و دايمًا بتتخطف و المره دي معاك " عُدي "، و " تليد" مكنش موجود فـ أنا أتوتر بس ، و اه بسبب الخضه دي أنتوا التلاته هتحضروا الغدا أنهاردة مسمعش أعتراض ، غيروا هدومكم و صلوا و على المطبخ يا حلو أنت و هو.

تركهم و رحل من أمامهم و نظر الثلاث لبعضهم، ضحكوا بصخب على ما حدث ، تحدث " مالك" لهم:

ـ بصوا هـ عملكوا حتة صنية مكرونه بشاميل أنما أيه عجين في عجين أنا مبعرفش أطبخ ، بتعرف تطبخ يا "تليد" ، أنا مسالتش "عُدي" علشان عارفه طبعًا مبيعرفش يعمل حاجه و لا أيه يا "عودي"؟!.

غضب "عُدي" من هذا اللقب التي لا يكف عنه "مالك" :

ـ يا " مالك" أرحمني بقى مبحبش الأسم المنيل ده و بعدين مين قال أن مش بعرف أطبخ هتنكر صنية البطاطس؟!.

نظر له "مالك" بأعين جاحظه و أختبأ خلف "تليد" الذي لا يفهم شيء و تحدث بشكل مضحك:

ـ صنية بطاطس!! أبعد يالا ، هتجبلي سلسله أمتى و تغنيلي العدل فوق الجميع ، عايز تقتلني يا " عودي".

صرخ " عُدي" بغضب و هددهُ :

ـ تصدق لو مبطلتش الاسم ده هعملك فعلًا على صنية بطاطس و اريح" سُليمان" منك ده هيفرح أوي.

ضحك" تليد" بصخب على ما يحدث و أوقفهم :

ـ طب بس بقى علشان أنا مش فاهم حاجه ، أنا بعرف أطبخ بس حاجات بسيطه يعني ممكن أعمل مكرونه و بانيه علشان كنت دايمًا بشفهم و هما بيعملوا في الملجأ ، يلا هروح أغير هدومي و أصلي و اروح أعمل الاكل بدل ما "سُليمان" يعملنا كلنا على صنية بطاطس. ضحك مره أخرى و تركهم.