وَ مَازَالَ الْمَاضِي يُلاحِقني (مُكتمله)

الفصل الواحد و الأربعون ( هَل عادَ المَفْقُود أَمْ هَلْ هِيَ لُعْبةٌ خَبِيثَة؟!)

بسم اللّٰه الرحمن الرحيم
_______________________________________

صرخ "مالك" في "رائف" بتعب :

ـ أبعد عن "ياسين" أرجوك ، هو معملش ليك حاجه ، و مش حمل بهدله.

ـ و لو قولتلك أن "ياسين" من ضمن الناس اللي أذوني أو مش هو بمعنى أدق أهله و اللي أقصده أن أم "ياسين" تبقى أختي يعني خالتك يا روح خالتك.

سحب نفس عميق ليمليء به رئتيهُ و أردف:

ـ و "ياسين" يبقى أبن خالتك و أخو "عُدي" في الرضاعة ، يا "مؤيد" يا "مهدي".

ـ أيه؟!أنـ.. أنت بتقول أيه؟. كان "مالك" جاحظ العينين و أقترب من"رائف" سريعًا و أمسك بتلابيب ملابسهُ و لكن "رائف" لكمه بقوه أسقطت " مالك" على فراشهُ و صاح "رائف" به :

ـ إياك تلمسني ، دا تحذير للمره الأخيره ، و بعدها متلومش غير نفسك.

و من ثم أتجه إلي مقعد و جلس عليه و أعتدل" مالك" في جلستهُ و هو يُدلك وجهُ بألم ، تحدث "رائف" بهدوء :

ـ خليني أشرحلك واحده واحده ، أحنا أربع أخوات ، أنا و مامتك و أتنين كمان ، والدتك كانت أكبرنا و أسمها "فريال" أحنا أصلًا أصلنا لبناني و أنا أصغر حد فيهم المهم والدتك أتجوزت و خلفتك و حصل اللي حصل و أنت أتخطفت و بعدها والدك قرر أنه يسافر بعد معرف أنك مت ، و في الوقت دا أختي اللي أصغر من والدتك كانت متجوزته و حامل في "ياسين" و أخواته و هي و والدك قرروا يسافروا ، مفضلش غيري أنا و أختي اللي أكبر مني للأسف هي كانت واخده أهتمامهم كله ، بقيت أنا شخص أنطوائي ، نسبنا مني دلوقتي.

توقف و هو يأخذ نفسك عميق و أكمل :

ـ بعد ما أنا كبرت شويه ، سافرت لأبوك علشان أشتغل معاه كان عندي 20 سنه ، روحت بيته و شوفت "عُدي" و كان صغير و لما سألتهُ عنده أخوات؟! قالي اه ، في الوقت دا "فريال" قالتلي أنه ليه أخوات في الرضاعة و أسمائهم "ياسين" و "يَكن" و " يارا" و التلاته توأم ، بس "ياسين" و أخواته أكبر من "عُدي" بسنه أو أقل يعني مش سنه بالظبط ، "عُدي" رضع من أم "ياسين" علشان دماغك متسرحش و تفكر أن "ياسين" هيبقى أخوك ، لا هو أبن خالتك بس و والدتك مكنتش بترضع علشان كده" عُدي" رضع معاهم ، "عُدي" و "ياسين" كانوا دايمًا مع بعض و في الوقت ده كان "عُدي" عنده 12 سنه و "ياسين" و أخواته 13 سنه ، بس مش عارف أيه اللي فرقهم عن بعض؟! و خلاهم مبقوش متمسكين ببعض؟ ، حتى أخوات "ياسين" بعدوا عن "عُدي" فبقى وحيد، هو اللي أعرفه بعد ما "عُدي"و أهله بعدوا "ياسين "بقى على طول مع والده في الشركات و بيسافر يعني نسي كل حاجة عن حياته و بقى شغله الشاغل الشغل بس ، نجي لـ "عُدي" بعد ما الكل بعد عنه أتعرف على شله فاسده و كان بيسهر معاهم في البار و بيسكر و كان هيبوظ خالص بس والدهُ لحقه و و نزله لـ "سُليمان" صاحبك ، و بس كدا دي كل المعلومات اللي عندي لو عايز تعرف أكتر يبقى من والد "ياسين" علشان هو الوحيد اللي لسه عايش ، حتى أم "ياسين" بقت مريضه و ناسيه هي مين أصلًا ، يعني السر كان هيفضل مستخبي للأبد و أعتقد "عمر العمري" والد "ياسين" مش فاكر أصلًا الموضوع.