وَ مَازَالَ الْمَاضِي يُلاحِقني (مُكتمله)

الثامن و الأربعون (اِحْتِوَاءً آمِنٌ)

بسم اللّٰه الرحمن الرحيم
_______________________________________
15/1/2024

ابتسموا له و تحركوا إلي السياره الخاصه بـ "مالك" ليتولى "سُليمان" القياده و أوصل "ياسين" و "تيام" و من ثم وصلوا إلي الشارع الخاص بهم و صف "سُليمان" السياره لينزلوا منها و ودعوا "مالك" الذي أخذ المفاتيح الخاصه به و ودعهم و صعد لشقتهُ، و بمجرد فتحه للباب نهضت "دعاء" و ركضت نحوه لتعانقهُ بخوف و بكاء ، و ربت "مالك" بحنان على شعرها و تحدث بإرهاق :

ـ بس يا زهرة الڤيولت، بس يا حبيتي ، أنا كويس و زي الفل تعالي نقعد علشان مش قادر أقف.

أومأت له و سحبت كف يدهُ ليجلسا على الأريكه معًا و أراح رأسهُ على كتفها و تحدث بهدوء :

ـ عارف أني مقصر معاكي، عارف أني مفرحتش بخبر حملك سامحيني كله جه متلغبط و أنا متلغبط بس هعوضك.

ـ "مالك" أنا مش محتاجه حاجه، محتاجه أنك تخف و أشوفك أحسن، أشوفك بتاكل كويس و تغذي جسمك اللي بقى ضعيف دا ، تنام كويس مش كل ساعه بتصحى بكابوس عايزاك تمارس حياتك طبيعي و تقدر تلمس الناس عادي و مش مجرد لمسه ترجع الماضي أدامك ، عايزة "مالك" اللي مبيستسلمش.

و لكن ذهب كلامها سدى بسبب ذهاب الأخر للنوم لتتركه يرتاح من عناء اليوم.

__________________________________________

مر أسبوع كامل و حان موعد الجلسه الثانيه و لكن "مالك" كان أكثر ثابت و وجد جميع رفاقه ينتظروه ليتحدث "سُليمان" بهدوء :

ـ جاهز يا "ما.."مؤيد"؟!.

نظر لهم" مالك" بتعجب و أردف بتساءل:

ـ أنتوا مالكم من الأسبوع اللي فات و كل متيجوا تنادوا تقولوا" مؤيد" أنتوا عارفين أني مش بفضله أوي في أيه بقى؟!.

تنهد" سُليمان" بقلة حيله نبسًا :

ـ بص يا "مؤيد" دي حاجه الدكتور هيشرحها مش أحنا.

تحرك" مالك" من أمامهم دون أن يعطيه إجابه و أتجهوا للمشفى و دخل "مالك" لـ "هادي"، بدأ هادي التحدث بهدوء :

ـ عامل أيه يا" مؤيد" يارب تكون بخير إن شاء اللّٰه و..

و لكن قاطعه "مالك" و هو يتحدث بغضب :

ـ أنت ليه قولتلهم يقولوا ليا يا "مؤيد"؟! أنا بحب "مالك".

نهض "هادي" من على مكتبهُ و جلس على مقعد مُقابل "مالك" نبسًا:

ـ حلو أنك فتحت الموضوع ، جلستنا أنهاردة هتكون عن فتح صفحات من الماضي ، خليني أواجهك بحقيقه أنت مخبيها عن الكل و بما فيهم نفسك ، أنت مرضك مش نفسي متدوال بالعكس أنت مرضك خفيف أنما مرضك الأساسي تمسكك بالماضي و "مالك" من الماضي ، عايز تبدأ صح أبدأ بأنك تنسى "مالك"، من أنهاردة أنت "مؤيد".