ជំនួសស្នេហ៍(ចប់✔︎)

ភាគ22:ប្រុសកំហូច

+ពេលព្រឹក

រាល់ពេលព្រឹកថេហ្យុងតែងតែក្រោកធ្វើអាហារជារៀងរាល់ថ្ងៃតាមពិតថេហ្យុងគេចង់ធ្វើទាំងអាហារពេលថ្ងៃនិងពេលល្ងាចដែរតែលោកស្រីចនហាមមិនឱ្យធ្វើអ្វីទាំងអស់សម្បីតែអាហារពេលព្រឹកដោយថេហ្យុងនៅតែព្យាយាមសុំចង់ធ្វើទើបលោកស្រីចនក៏អនុញ្ញាត្តឱ្យធ្វើតែអាហារពេលព្រឹកទេចំណែកអាហារពីរពេលទៀតទុកឱ្យអ្នកបម្រើជាអ្នកធ្វើទើបថេហ្យុងធ្វើអាហារតែពេលព្រឹកបែបនេះ។

ក្រោយធ្វើរួចរាល់ក៏រៀបចំដាក់លើតុឯជុងហ្គុកក៏ដើរមកពីក្រោយហើយថែមទាំងថើបថ្ពាល់គេទៀតជួនជាពេលនោះជុងហូក៏ដើរមកឃើញល្មម។

" ផ្អែមល្ហែមទាំងព្រឹកតែម្ដងប្អូនប្រុសខ្ញុំ " ជុងហូ និយាយព្រមទាំងដើរចូលមកអង្គុយ
" ឃើញទេមានគេមកឃើញហើយ " ថេហ្យុងថាឱ្យនាយព្រមទាំងវាយដៃនាយតិចៗផងដែរ
" បងថ្លៃអូនតើ ខ្វល់ធ្វើអី " ជុងហ្គុកញាក់ចញ្ចើមដាក់ថេហ្យុងគេឮហើយក៏សម្លក់នាយបន្តិច
" អាហារទាំងនេះថេហ្យុង-"
" បងហៅអ្នកណា? " ជុងហូមិនទាន់និយាយចប់ផងជុងហ្គុកក៏និយាយកាត់ពេលដែលឮហៅឈ្មោះថាថេហ្យុង ឯថេហ្យុងក៏ភ្ញាក់នៅពេលដែលជុងហូហៅឈ្មោះគេបែបនេះ
" អ៎...បងច្រឡំ អាហារថ្ងៃនេះថេហ៊ីជាអ្នកធ្វើមែនទេ? "
" បាទ ត្រូវហើយ "
" បានភ្លក់ស្នាដៃអនាគតប្អូនថ្លៃហើយអញ្ចឹង " ឮជុងហូនិយាយបែបនេះថេហ្យុងក៏សើចតិចៗដាក់ជុងហូបែបមនុស្សអៀន ថេហ្យុងនិងជុងហ្គុកក៏ចូលអង្គុយឯលោកស្រីចននិងលោកចនក៏ចុះមកល្មមចូលមកអង្គុយ។
" ស្លៀកពាក់បែបនេះប្រុងទៅធ្វើការថ្ងៃនេះតែម្ដងមែនទេ?ម៉េចក៏មិនចាំស្អែកទៅសម្រាកខ្លះក៏ល្អ " លោកស្រីចន
" មិនអីទេម៉ាក់ ការងារនៅក្រុមហ៊ុនច្រើនមិនចង់ទុកចោលទៀតទេ " លោកស្រីចនក៏ក្រវីក្បាលគិតទៅកូនៗគិតតែពីខំធ្វើការមិនថាទាំងជុងហូនិងជុងហ្គុក។
" នាំគ្នាញ៉ាំបាយទៅ " លោកចននិយាយហើយគ្រប់គ្នាក៏ចាប់ផ្ដើមញ៉ាំបាយ។

ក្រោយញ៉ាំអាហាររួចហើយជុងហូក៏ទៅធ្វើការបាត់ ឯលោកស្រីចននិងលោកចនថ្ងៃពួកគាត់មានការចេញទៅក្រៅហើយជុងហ្គុកនិងថេហ្យុងក៏ឡើងទៅក្នុងបន្ទប់។