នៅពេលនេះអេរីត្រូវបានហូសុកហៅមកជួបម្ដងទៀតហើយ ហើយគ្មានរឿងអ្វីក្រៅពីរឿងនាងធ្វើបាបអានណានោះទេ។
" នេះខ្ញុំធ្លាប់ប្រាប់ហើយមែនទេថាកុំធ្វើបែបនោះទៀត ហេតុអ្វីក៏មិនស្ដាប់ទុកសម្ដីខ្ញុំជាខ្យល់? " ហូសុក និយាយទាំងខឹងដែលអេរីនៅតែលួចធ្វើបាបអានណា ធ្វើបាបអានណាដោយឱ្យនាងធ្វើការច្រើនជាងមុននិងធ្វើវាដល់យប់ៗជ្រៅ ថ្ងៃខ្លះដល់ថ្នាក់មិនបានគេងទៀតផង។
" អត់ទេលោកអគ្គនាយក ខ្ញុំគ្រាន់តែពង្រឹងការធ្វើការរបស់នាងឱ្យប្រសើរជាងមុនប៉ុណ្ណោះ ព្រោះនាងធ្វើការមិនសូវបានល្អនោះទេមួយរយ:នេះ " អេរី
" ចុះអ្នកផ្សេងធ្វើការមិនបានល្អដែរ ហេតុអ្វីក៏មិនពង្រឹងដែរទៅចាំបាច់តែអានណាម្នាក់? " ហូសុក
" គឺ... " អេរីស្ទាក់ស្ទើរមិនអាចរកលេះដោះសារបានបន្តទៀត
" ខ្ញុំមិនអាចទុកនាងបានទៀតទេ ដូច្នេះចាំពីស្អែកនេះមិនចាំបាច់មកធ្វើការទេ " ហូសុក
" អត់ទេៗលោកអគ្គនាយកកុំដេញខ្ញុំអី ខ្ញុំខុសហើយលើកលែងឱ្យខ្ញុំផង " អេរី
" ខ្ញុំបានលើកលែងឱ្យនាងម្ដងហើយ តែនាងមិនចេះចាប់យកឱកាសនោះ សូមចេញទៅវិញចុះ " ហូសុក
អេរីពេលត្រូវបានហូសុកដេញចេញហើយនាងមានអារម្មណ៍ថាសោកស្ដាយនូវអំពើរបស់ខ្លួន ព្រោះតែមនុស្សប្រុសម្នាក់ព្រមទាំងសេចក្ដីខឹងស្អប់ច្រណែនដែលមានចំពោះអានណាដែលធ្វើឱ្យនាងត្រូវមកបាត់បង់ការងារដែលខ្លួនខិតខំអស់ពេលជាច្រើនឆ្នាំទម្រាំបានតំណែងមួយនេះ។
អេរីនាងបានដើរចេញពីការិយាល័យរបស់ហូសុកទាំងទឹកមុខពិបាកចិត្ត ពេលដើរចេញមកក៏ជួបជាមួយនឹងអានណាដែលនាងត្រូវបានហូសុកហៅមកជួប។
អេរីមើលមុខអានណាបន្តិចហើយក៏បានដើរចេញទៅបាត់ ឯអានណាក៏ងាកមើលនាងដែលកំពុងតែដើរចេញនោះហើយក៏ចូលទៅក្នុងការិយាយល័យរបស់ហូសុក។
" បងហៅអូនមកមានការអ្វីទៅ?" អានណា
" ហេតុអ្វីក៏មិនប្រាប់បង? " ហូសុក
YOU ARE READING
ជំនួសស្នេហ៍(ចប់✔︎)
Romanceព្រោះតែមានមុខមាត់ដូចជាបងស្រីខ្លួន ត្រូវក្លែងបន្លំធ្វើជាគាត់ជំនួសកន្លែងរបស់គាត់ដោយក្រោមហេតុផលមួយ។ ____________________ ចាប់ផ្ដើម 1.10.2023 បញ្ចប់ 13.03.2024🖋️
