ជំនួសស្នេហ៍(ចប់✔︎)

ភាគ69:ថ្ងៃរៀបការពួកយើងអូនពិតជាស្អាតណាស់

   #ប្រាំពីរខែក្រោយមក

    ពេលវេលាក៏ចេះតែកន្លងហួសទៅក្ដីស្រឡាញ់ក្ដីបារម្ភខ្វល់ខ្វាយហួងហែងមានគ្នាកាន់តែច្រើនឡើងៗ ហើយក៏ដល់ថ្ងៃដល់ពេលវេលាមួយដែលថេហ្យុងនិងជុងហ្គុកត្រូវរៀបការជាមួយគ្នា។ដោយពួកគេបានរៀបចំកន្លែងរៀបការរបស់ពួកគេនៅឆ្នេរសមុទ្រតាមអ្វីដែលថេហ្យុងចង់បាន  កន្លែងរៀបការរៀបចំរាងធំដុំដែរហើយវាពិតជាស្រស់ស្អាតខ្លាំងណាស់ហើយវាបានប្រព្រឹត្តឡើងនាពេលល្ងាចនៅឆ្នេរសមុទ្រប៊ូសានដែលជាស្រុកកំណើតប៉ាម៉ាក់របស់ជុងហ្គុក។

    ថេហ្យុងត្រូវបានគេតុបតែងខ្លួនយ៉ាងស្រស់ស្អាត ប្លែកពីរាល់ដង គឺស្អាតខ្លាំងណាស់ ស្អាតដល់ថ្នាក់សូម្បីតែខ្លួនឡើងរំភើបចង់ស្រក់ទឹកភ្នែកទៅហើយ។ នៅពេលកម្មពិធីចាប់ផ្ដើមថេហ្យុងបានបង្ហាញខ្លួន គ្រប់គ្នាឃើញហើយក៏និយាយសរសើរពីសម្រស់ដ៏ស្រស់ស្អាតរបស់ថេហ្យុង ឯជុងហ្គុកបានឃើញហើយក៏មើលថេហ្យុងភ្លឹកដោយស្នាមញញឹមថ្ងៃនេះថេហ្យុងរបស់គេពិតជាស្រស់ស្អាតខ្លាំងណាស់ថេហ្យុងត្រូវបានលោកគីមដឹកដៃដើរសំដៅទៅកាន់ជុងហ្គុកយឺតៗ ក្នុងដំណើរនោះថេហ្យុងគេពិតជារំភើបណាស់ រំភើបឡើងចង់ស្រក់ទឹកភ្នែកទៅហើយមិននឹកស្មានថាគេមានថ្ងៃនេះជាមួយជុងហ្គុកទាល់តែសោះ។ថេហ្យុងព្យាយាមទប់មិនឱ្យយំស្រក់ទឹកភ្នែកព្រោះបើគេយំនោះគេប្រាកដជាលែងស្អាតហើយ។

  " ប៉ាផ្ញើកូនថេលើកូនហើយ សូមស្រឡាញ់និងមើលថែគ្រាប់ភ្នែកប៉ាចុងក្រោយមួយនេះឱ្យបានល្អផងណា " លោកគីមនិយាយហើយក៏បានហុចដៃថេហ្យុងឱ្យទៅឱ្យជុងហ្គុក។

  " បាទលោកប៉ា ខ្ញុំមិនធ្វើឱ្យលោកប៉ាខកចិត្តចំពោះខ្ញុំនោះទេ " ជុងហ្គុកទទួលចាប់ដៃរបស់ថេហ្យុងព្រមទាំងនិយាយ ហើយលោកគីមក៏ងក់ក្បាលទាំងស្នាមញញឹមហើយគាត់ក៏ដើរត្រឡប់ទៅអង្គុយកន្លែងរបស់គាត់។

    ថេហ្យុងនិងជុងហ្គុកកំពុងតែឈរទល់មុខគ្នាដោយមានលោកអាចារ្យនៅកណ្ដាល ម្នាក់ៗសម្លឹងមើលគ្នាទាំងក្ដីស្រឡាញ់និងរំភើបចិត្តជាខ្លាំង។

    លោកអាចារ្យក៏ចាប់ផ្ដើមនិយាយនូវពាក្យសម្បថជាច្រើនហូរហែរសួរទៅកាន់ជុងហ្គុក។ (សូមកាត់ព្រោះមិនសូវពូកែសរសេរ )