ជំនួសស្នេហ៍(ចប់✔︎)

ភាគ24:អូនតែងតែវៃបងរាល់ពេលដែលបងថើប

ក្រោយកម្មង់អាហាររួចប្រហែលជា20នាទីអាហារក៏បានមកដល់។ដោយនៅក្នុងបន្ទប់ធ្វើការបុគ្គលិកមានបន្ទប់មួយប្រៀបដូចជាសង្រ្កានបាយអញ្ចឹង។ ហូសុកបានរៀបចំអាហារទាំងនោះដាក់នៅលើតុដោយមានអានណានាងចាំជួយដែរហើយហូសុកក៏មិនទាន់បានញ៉ាំអ្វីដែរនោះក៏សម្រេចថាញ៉ាំជាមួយគ្នាតែម្ដងទៅ។

" ពេលដែលខ្ញុំញ៉ាំហើយខ្ញុំនឹងជួយធ្វើការនាងឱ្យឆាប់ហើយ " អានណាដែលកំពុងតែញ៉ាំអាហារពេញមាត់ឮហើយក៏ប្រញាប់ទំពារអាហារក្នុងមាត់ឱ្យអស់
" កុំអីលោកអគ្គនាយកខ្ញុំអាចធ្វើបាន "
" ទម្រាំនាងធ្វើហើយប្រហែលស្អែកហើយទេដឹង កុំប្រកែកខ្ញុំជាអគ្គនាយកចង់ធ្វើអ្វីមួយមិនអាចហាមឃាត់ខ្ញុំបានទេ " ហូសុកនិយាយដោយប្រាកដប្រជាជាមួយអានណា
" ចាសលោកអគ្គនាយក " អានណានាងមានតែស្របតាមបញ្ជាព្រោះជាចៅហ្វាយមិនអាចប្រកែកបានទេ ណាមួយគាត់គ្រាន់តែមកជួយធ្វើកិច្ចការប៉ុណ្ណោះវាក៏ជួយសម្រាលការងារដល់អានណាផងដែរ។

អ្នកទាំងពីរក៏ឈប់និយាយហើយបន្តញ៉ាំអាហារ ក្រោយពីញ៉ាំរួចរាល់ហូសុកក៏ជួយយកកិច្ចរបស់អានណាមកធ្វើពាក់កណ្ដាល។

+មួយខែក្រោយមក

ក្នុងរយ:ពេលមួយខែកន្លងមកនេះទំនាក់ទំនងរវាងថេហ្យុងនឹងជុងហ្គុកគឺជិតស្និទ្ធគ្នាខ្លាំងណាស់ជិតស្និទ្ធរហូតទាល់តែថេហ្យុងភ្លេចថាខ្លួនមករស់នៅក្បែរជុងហ្គុកមានតួនាទីជាអ្វីហើយត្រូវធ្វើជាអ្នកណា។

ឯរបួសជុងហ្គុកក៏បានជាមួយរយតែការចងចាំមិនទាន់ត្រឡប់មកវិញនោះទេ ហើយថ្ងៃនេះជុងហ្គុកក៏បានចូលធ្វើការវិញហើយដែរទោះការចងចាំមិនមានតែនាយគឺជាមនុស្សឆ្លាតពូកែនិងមានបទពិសោធន៍រឿងបាត់ការចងចាំនេះមិនមែនជាបញ្ហាសម្រាប់នាយឡើយ ។

នាពេលថ្ងៃថេហ្យុងកំពុងតែរៀបចំខ្ចប់អាហារឱ្យជុងហ្គុកព្រមទាំងជុងហូផងដែរបើជ្រុលជារៀបចំយកទៅដល់ក្រុមហ៊ុនហើយនោះ ។

ក្រោយរៀបចំរួចរាល់ថេហ្យុងក៏បានឱ្យអ្នកបើកឡានជូនទៅកាន់ក្រុមហ៊ុន ពេលមកដល់ក្រុមហ៊ុនថេហ្យុងបានជិះប្រអប់យន្តឡើងទៅជាន់របស់ជុងហ្គុកធ្វើការ មកដល់ហើយក៏ដើរសំដៅទៅការិយាល័យរបស់ជុងហ្គុកជួនជាពេលនោះឃើញដេវិតកំពុងតែកាន់ឯកសារចេញពីការិយាល័យរបស់ជុងហ្គុក។