ជំនួសស្នេហ៍(ចប់✔︎)

ភាគ27:ខ្ញុំដូចជាមិនជឿនាងសោះ

.....

+ក្រុុមហ៊ុនចន

ថ្ងៃនេះជាថ្ងៃដែលលេខាថ្មីរបស់ជុងហ្គុកបានមកធ្វើការក្រោយពីសម្ភាសន៍ជ្រើសរើសបានរួចរាល់ ដោយនាងបានដើរចូលដោយមានដេវិតជាអ្នកនាំផ្លូវ។

" អ្នកនាងសារ៉ានេះជាតុធ្វើការរបស់អ្នកនាង ឯនោះគឺជាបន្ទប់ធ្វើការរបស់លោកអគ្គនាយក " ដេវិតនិយាយប្រាប់ឯសារ៉ានាងក៏ងាកមើលទៅបន្ទប់នោះទាំងស្នាមញញឹមចុងមាត់ដែលជាហេតុធ្វើឱ្យដេវិតឆ្ងល់ជាខ្លាំង
" អ្នកនាងកើតអីមែនទេ? "
" ចាស!គ្មានអ្វីនោះទេ " សារ៉ាងាកមកញញឹមដាក់ដេវិតវិញ
" អញ្ចឹងចាប់ផ្ដើមការងារចុះ " ដេវិតក៏ដើរត្រឡប់ទៅវិញ សារ៉ានាងមិនទាន់ចូលតុអង្គុយធ្វើការនោះទេ នាងក៏ឆ្លៀតដើរសំដៅទៅរកកន្លែងឆុងកាហ្វេជាមុនសិន។

តុក!តុក!

" ចូលមក " ក្រោយឮអនុញ្ញាត្តសារ៉ាក៏បើកទ្វារចូលទៅដោយក្នុងកាន់កាហ្វេព្រមជាមួយស្នាមញញឹម
" នេះកាហ្វេចាស " សារ៉ាដាក់កាហ្បេលើតុហើយជុងហ្គុកក៏ងើបមើលមុខនាងទាំងឆ្ងល់
" នាងជាអ្នកណា?ជាលេខាថ្មី? "
" ចាសត្រូវហើយ "
" ថ្ងៃក្រោយបើខ្ញុំមិនបានប្រាប់ឱ្យឆុងកាហ្វេឱ្យខ្ញុំទេកុំឆុងអី " ជុងហ្គុកក៏ងាកមកធ្វើការរបស់ខ្លួនវិញដោយមិនខ្វល់ពីសារ៉ានោះទេ
" ជុងហ្គុកតើបងពិតជាមិនចាំអូនមែនទេ?អូនគឺសារ៉ាណា៎ " សារ៉ា
" ចាំ?តើពួកយើងស្គាល់គ្នាតាំងពីពេលណា ទាំងដែលពួកយើងទើបតែជួបគ្នាអម្បិញមិញនោះ "
" នេះបងគ្រោះថ្នាក់ដល់ថ្នាក់បាត់បង់ការចងចាំមែនទេ? " សារ៉ានាងសួរដោយក៏ទើបតែបានដឹងពីព័ត៌មានដែលបានចុះផ្សាយកាលនោះដែរ
" ត្រូវហើយ "
" អញ្ចឹងតើបានបងមិនចាំអូន អូនគឺជាស្នេហាដំបូងរបស់បងណា ហើយជាមនុស្សស្រីតែម្នាក់ដែលបងស្រឡាញ់ខ្លាំងទៀតផង " ដោយដឹងថាជុងហ្គុកបាត់ការចងចាំក៏ប្រើការនិយាយកុហសមួយនេះដាក់នាយតែម្ដង ដើម្បីផែនការក្នុងការទាក់ជុងហ្គុកឆាប់បានសម្រេច
" ពិតមែន?តែហេតុអ្វីក៏ខ្ញុំគ្មានអារម្មណ៍ស្នេហាអ្វីបន្តិចសោះពេលដែលឃើញមុននាង? "
" បងប្រហែលបាត់ទាំងការចង់ចាំនិងអារម្មណ៍ដែលមានចំពោះអូនហើយទើបវាទៅជាបែបនេះ " សារ៉ាដើរមកក្បែរកៅអីជុងហ្គុកហើយក៏ឱនទៅនិយាយជិតមុខជុងហ្គុក
" ខ្ញុំដូចជាមិនជឿនាងសោះ " ជុងជ្រួញចិញ្ចើមចូលគ្នាមិនសូវជាពេញចិត្តនៅពេលដែលសារ៉ាឱនមកនិយាយជិតនាយបែបនេះ
" ពេលនេះបងមិនទាន់ជឿក៏បាន តែអូននឹងព្យាយាមធ្វើឱ្យបងជឿ " សារ៉ានាងក៏ងើបមុខចេញហើយក៏ដើរសំដៅទៅទ្វារ ហើយក៏ងាកមកវិញ
" កុំភ្លេចផឹកកាហ្វេដែលអូនឆុងឱ្យផងណា " និយាយហើយសារ៉ាក៏បើកទ្វារដើរចេញទៅ
" ម៉េចនឹងអាចជានាងនោះ បើបេះដូងប្រាប់ថាជាថេហ៊ីទៅហើយ " ជុងហ្គុកនូវគិតឆ្ងល់ពីសម្ដីរបស់សារ៉ា តែនាយក៏ត្រូវក្រវៀសចោលគិតពីការងាររបស់ខ្លួនឯងវិញ ។