ជំនួសស្នេហ៍(ចប់✔︎)

ភាគ30:អេ..!ថេហ្យុង

+ថ្ងៃថ្មីនាពេលល្ងាច

ថេហ្យុងកំពុងតែឈរនៅមុខកញ្ចក់រៀបចំខ្លួនដោយថេហ្យុងបានស្លៀកខោអាវដែលបានទិញកាលពីម្សិលមិញមើលទៅពិតជាស្រស់ស្អាតនិងសាកសមជាមួយនឹងថេហ្យុងខ្លាំងណាស់។

ថេហ្យុងរៀបចំសារ៉េសម្លៀកបំពាក់របស់ខ្លួនឱ្យមើលទៅវាមានរបៀបរៀបរយនិងពិនិត្យមើលថាមានខ្វះខាតឬមិនស្អាតត្រង់ណាឬអត់ ឯជុងហ្គុកដែលទើបតែស្លៀកពាក់តែងខ្លួនហើយដើរចេញពីបន្ទប់ទឹកនោះបានដើរមកក្បែរថេហ្យុង ថេហ្យុងក៏ងាកទៅមើលជុងហ្គុកមើលទៅថ្ងៃនេះនាយសង្ហាខ្លាំងណាស់។

" បងថ្ងៃនេះសង្ហាណាស់ "
" អូនក៏ដូចគ្នា "
" បើសង្ហាៗបែបនេះតិចស្រីៗក្នុងកម្មពិធីឃើញបងហើយប្រាកដជាជ្រួលជ្រើមមិនខាន "
" ប្រាកដជាបែបនោះ ព្រោះបងសង្ហាពេកនោះអី " ជុងហ្គុកនិយាយដោយវៃចញ្ចើមនិងធ្វើមុខព្រានដាក់ថេហ្យុងមួយ
" មើលធ្វើមុខចុះ ឡើងព្រានតែម្ដង "
"  បងធ្វើដាក់តែអូនម្នាក់ប៉ុណ្ណោះ " ជុងហ្គុកនិយាយហើយក៏ឱនថើបថ្ពាល់ថេហ្យុងទាំងសងខាងតែម្តង
" ថើបទៀតហើយ "
" មកពីស្រឡាញ់ទើបថើប តែបងដូចមិនដែលត្រូវអូនថើបសោះ "
" ខ្ជិលថើបណាស់! ពួកយើងគួរតែប្រញាប់ចុះក្រោមទៅពួកគាត់ប្រហែលជាកំពុងចាំហើយ "
" បាទ " ជុងហ្គុកក៏កាន់ដៃថេហ្យុងដើរចេញពីបន្ទប់ ហើយដើរចុះមកក្រោមពិតជាឃើញលោកចន លោកស្រីចន និងជុងហូកំពុងអង្គុយចាំនៅសាឡុងក្នុងបន្ទប់ទទួលភ្ញៀវពិតមែន។ 
" ស្អាតសង្ហាទាំងគូតែម្ដង "
" អ៊ំស្រីក៏ស្រស់ស្អាតដែរ "
" ចុះអ៊ំសង្ហាទេ? "
" បាទលោកអ៊ំគឺសង្ហាណាស់ ព្រមទាំងបងប្រុសជុុងហូផងដែរ "
" ថេមិនសរសើរក៏ខ្ញុំដឹងថាខ្ញុំសង្ហាដែរ " ជុងហូញញឹមយ៉ាងជឿជាក់និយាយលេងសើចដាក់ថេហ្យុងហើយគ្រប់គ្នាឮហើយក៏អស់សំណើចបន្តិចដែរ
" ជឿជាក់ពេកហើយ " ជុងហ្គុកដោយជ្រេញពេកក៏ថាឱ្យជុងហូទៅ
" កាលពីក្មេងឯងជឿជាក់ជាងយើងផងយើងមិនថា "
" បានហើយពីរនាក់បងប្អូនឯងនេះ ដល់ម៉ោងត្រូវទៅចូលរួមកម្មពិធីហើយកុំយឺតយ៉ាវ "
" បាទម៉ាក់ តែម៉ាក់កូនចង់ជិះឡានតែពីរនាក់ថេបានទេ? "
" បាន!អញ្ចឹងម៉ាក់ប៉ានិងបងឯងជិះទៅជាមួយគ្នាហើយកូនជិះតែពីរនាក់ក្មួយថេចុះ "
" បាទម៉ាក់ " ជុងហ្គុកញញឹមសប្បាយចិត្តដាក់ម៉ាក់របស់ខ្លួន
" តោះពួកយើងទៅ " ឮលោកចននិយាយហើយគ្រប់គ្នាក៏ដើរចេញមកក្រៅសំដៅទៅឡានដែលបានត្រៀមចតនៅមុខផ្ទះហើយក៏មានអ្នកបើកឡានចាំបើកទ្វារហើយក៏ចូលទៅអង្គុយនៅក្នុងឡានម្ដងម្នាក់ៗ
" អ្នកប្រុសតូចនិងអ្នកប្រុសមិនឡើងឡានទេឬ? " ដោយឃើញអ្នកផ្សេងចូលហើយនៅឡើយតែថេហ្យុងនិងជុងហ្គុកមិនចូលឡានក៏សួរ 
" គឺចាំជិះឡានផ្សេង បើកទៅមុនចុះ " ជុងហ្គុក
" បាទអ្នកប្រុស " និយាយរួចអ្នកបើកឡានក៏ដើរទៅបើកទ្វារអង្គុយកន្លែងបើកឡានហើយបើកចេញដំណើរបាត់ទៅ។
" តោះ " ជុងហ្គុកក៏ដឹងដៃថេហ្យុងមកកន្លែងថតឡាន ហើយ ហើយនាំថេហ្យុងមកជិះឡានទំនើបមួយ រួចក៏បើកចេញទៅ។