هــــوس مــَا بــعـد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل 🍂: #مروى منصوري و جموح حنان
بإشراف : ملاك هانسل
البارت :3
كتبكي وتشهق وضرب فصدرها من حر الحريق لشدها فيه .... عارفة راسها مزيناش بزاف فلونها ولكن عمرها ادات شي حد ولا ضراتو ... علاش ايوقع لها هكا ... تهانت فكرامتعا وخِلقتها ... بسباب شخص نرجسي همو يرضي مووو ومهموش فقلبها اتهرس ولا فكرامتها وخاطرها لتدعس بكبرياؤؤؤؤ ....
كلسات فالارض راسها على طرف سرير وجهها مجلخ بالكحل كتبكي تنعسات بقلب مكسور. مجروح ....
اصبحنا واصبح الملك لله ...
ضو شمس لداخل من لبالكون فيقها ... عنقها معنزززز كيحرقها بجهد ... راسها عاطيها صداع وعينيها منفوخين بزاااف ....
وقفات بصعوبة دايخة ... حكمها لعيا ... حيدات شال من عنقها والمضمة من قفطانها بافي متقبلاتهاش .... تنهدات موكلة امرها لله ... قربات من فاليزتها هزات منها بينوار دالحمام وبيجامة بيضة حريرية اونسومبل سروال وتريكو .... دخلات لدوش ككلو عصري .... معرفاتش تقاد شوفاج ضالضو مولفة غير ديال لبوطة بزز عرفات .... تتحيد حوايجها بشويا ... وقفات عريانة قدام لمراية تتشوف فجسدها ... ضعف ماشي عيب ... شعرها لكريلي زوين مبيهش ... لونها السمر غامق علاش مكيعجبش ناس عمرو عيونها بدموع محكورة ... وكلامو كيعاود فداكرتها تقهرات وضرها خاطرها ... تتغسل داتها وعقلها خدام شنو غتقول وكفاش غتسلك راسها ... لنطقات كلمة وحدة غيحرقق دارهم ... لي وخا صغيرة وماشي شي حاجة عاقلة مزيان شحال تعدب باها باش ايبنيها طوبة طوبة حجرة حجرة وكفاش تزقرم باش افرشها وكفاش سمح فراسو فحالتو وكرشو باش اوكلهم والبسهم .... تنهدات وكيلها ربي ....
خارجة من دوش بالبيجامة مزيرة عليها مفصلة على طايتها ضعيفة .... سمعات صوت تيلي تيصوني ...
جبداتو من صاكها بالخف ... تنهدات كي شافت سمية ختها .... نحنحات مجاوبة بهدوء : الو ختي فاطمة لباس عليك ....
فاطمة فكوزينتها فدارها بشورط زرق مزير عليها وديباردور سيدة تلاتينية مهلية فراسها بنفس حروف نعمة .... غير هي خيرهااااا فايض .... مقابلة ابريق القهوة لمعطر : الو نعمة. تسوشت عليك بزاف معرفتش لبارح كلو ممرتاحاش ....
ضحكات باستهزاء هادي ختها لي رباتها من ماتت مها وهزاتها ومن كلشي علماتها ترددات بزاف واش نعاود لها ....
تنهدات : لا اختي والو معندك علاش تشوشي غير حيت اول مرة نبعد عليكم مزال مولفتوش ( بضحكة ممازحة ) عارفة غنخلي بلاصتي .( سكتات شويا بحزن) متخافيش كلشي داز مزيان ...
تنهدات فاطمة براحة : داكشي لبغيت لك اختي ... مصلاحش نجيبو لفطور ... راجلك قال لمو بلي بغا تبقاو بوحدكم واحد سيمانة. راس فراس ...
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
