هــــوس مــَا بــعـد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل 🍂: #مروى منصوري و جموح حنان
بإشراف : ملاك هانسل
البارت :47
خرج كيمسح شعرو ... لاوي فوطة على خسرو ... رما عينو جهتها كانت ناااعية بلى غطى ... عنقها عوج .... تنهد ومشا قادها وغطاها طافي ضو من غير ضواو خفاف .... دخل لدريسينك لبس عليه شورط لركبة كحل ... وتيشورط واااسع بيض .... كحس براسو مرخي .. مشا لطبسيل كلا منو تقريبا كلشي وشرب العصير ....
شرب دواه وهز لبلاطو غادي بيه الكوزينة .... قلب عينيه كي بان لو جاد فطبلة الكوزينة .... البيسي قدامو لابس سورفيت زرقة شعرو طايح على جبهتو مركز تماما .... حداه قهوة كحلة وطرف دالكيكة ....
شاف فمعتصم بطرف عينيه. بطنز : منعستيش ...
خنزر فيه حاط لبلاطو ومشا لتلاجة : انت وسليمة تخليو شي حد انعس ...
هز كتافو : مدرت والو ....
جبد كيكة بشكلاط مقطعة وغراف دعصير ليمون كلس مقابل مع جاد .... تياكل ...
جاد : العجب كتاكل فهد الوقت معوايدكش ...
معتصم : كنحس بجوووفي خااااااوي الهوى كيدوز فمصارني وفيا سخفةةةةةةةةةةةة رجليا خاوين ....
جاد عينيه فالبيسي : حياني الله تشفتك تتشكى كي الحاملة ....
مكلفش راسو ايجاوبو....
جاد مركز مع شغلو : فراسك اوليفيا مشات لحبيبيس ضرب العديديس ....
هز حاجبو : مممم ياك غير باها المجرم الغبار ؟؟
جاد كيضحك : ايوا اسيدي هي يدو ليمنى ... ايدخلو اربيو القمل .... وتالدولة حجرات على كاع املاكهم ...
هز فيه راسو ورجع تياكل : المهم خرجو من حياتي بمرة...
سد جاد لبيسي تيتكسل واحك عنقو : فففف راسي تنفخ عييييت بالله ...
معتصم : سرك كتبع تزهوانيت تكتسطوكا عليك الخدمة ....
جاد بجدية : لا لا كنفكر نجمع راسي ....
معتصم حابس الضحكة : مم مزيان شكون باع ليك التبويقة؟
عقد حجبانو : داوي بصح ... صاف ضربت فتلاتينات كنحس براسي قاد بالمسؤولية باغي ولاد اعمرو عليا ... ومرى تفهمني... نتسطاو بجوج ونضربو الدنيا بركلة ....
تعيش معايا فالعالم ديالي تعيش هبالي ونحماقو بجوج ....
معتصم متعجب فيه : ايوا الله اسهل عليك ....
جاد كيرجع شعرو لور : كفاش عرفتي راسك كتبغي نعمة ....
معتصم : ملي مبقاتش تتخرج من بالي ملي وليت كنغمض عيني وكنشوفها ...
حرك راسو بالايجاب : ووقتاش تاكدتي من شعورك!؟
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
