هوس مابعد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل 🍂: #جموح حنان
البارت 61
تأفف بخزي : مبقيتش باغي نتزوج اللهم زهو ولا هد الحالة ...
شافت فيه مدة : بغيتيها باردة بلى متعدب عليها تحرك وسكت ... قالك زهو ...
جاد : فيا جوع والله ... ناكلو ونكملو لابغيتي ...
سليمة : بغيت بولفاف ...
شداتو الفقصة : سليمة واش صهدددد والغبرة والزحام وبغيتينا نتغداو فشوايات ... وانت عارفااهم فين جاو حدا المحطة وصداع والغوات وريحة ترويعة ...وراسي تفرع ....
دبلات عنيه فيه بحال شي بنت صغيرة : بغيت بولفاف ....
عض على حنكو مفقوص وسبقها للاوطو محمل بسيكان : ووووووواخ وااااخ ....
بهمس : هدشي كلو غنخرجو من اية هي لغتخلصو
داز وقت نعمة بين تحاليل ....
دخلات لريسطو قريبة لصالون وطلبات بيتزا وعصير دالحامض مشهيااااااه بجهد ...
دخلات لانسطا دمعتصم تتشوف فتصاورو قبل عامين من شحال هدي محط شي طوف ..... حسات براسها توحشاتو .... توحشاتو بزاااف لدرجة شداتها البكية ....
دخلات لحسابها لبنكي حولات لختها 5 دالمليون وسدات تيلي تتفكر ساهية ....
وخا كتحاول بكل جهدها ولكن والو تفكيرها مشتت
معارفاش اشنو باغا بالضبط تركيزها مكاينش ... افكار افكار افكار والمشكل كاع هد الافكار تافهة ....
تاففات تتحاول تصفي دهنها ...
كملات وخلصات خارجة معارفاش فين غادة ،ولا اش باغا بقات كدور فالمدينة بالاوطو تضلام الحال ورجعات لدار ....
تلاقات بسليمة وجاد فالباب مناكرين ....
محمل بالساشياب وكلو مغبر مخنزر ...
محاملش راسو ...
نعمة : جادوووو ...
جاد ( بهمس : : اخان)
نعمة : كداز نهارك ..
جاد : كي الخرا ... عامر بالغبرة والعجاج مع شويا ددخان وبزاف دالغوات ....
ضحكات عليه : وسير سير دوش ريحة العرق عاطية منك تبارك الله .....
رما داكشي فصالون ومشا لبيتو بينما هي كلسات تتشوف فداكشي باهتمام وتسول سليمة على كل حاجة وتمنها وعاطياها الخاطر ....
تتصنت ليها....
سليمة : اش هدشي فوجهك ( تتقلب فيها )
نعمةباسف : معرفتش راه مشيت صباح لطبيب درت تحاليل ....
قالت ليا بغات تعرف واش من الهرمونات ولا غير شمس لمن الهرمونات غتعطيني دوى ايقادهم ليا وشي فيتامينات .... الى من الشمش غتعطيني شي كريم ....
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
