هوس مابعد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل 🍂: #جموح حنان
البارت :273
اصبحنا واصبح الملك لله
حل عينو مقابل مع وجهها بتاسم ... وتقلب على ضهرو كيتفوه ... ستغرب لنعاسها تقيل ممولفاش ليها ...
شاف فساعة كانت 9:30 دصباح ... وقف غادي لدوش كيطرطق عضامو ....
دقاىق وحلات عينيها فسقف مشعككة تتحس براسها متحمسة برجوع معتصم ... كي بانت ليها فاليزتو جمعات الوقفة قافزة .... سمعات صوت الرشاش فدوش وتبسمات تتنصل حوايجها تبقات بدو بياس ...
ودخلات لعندو تتسلت على طراف رجليها
..
ساد عينيه تيغسل فشعرو لي مرغوي حس بصبعانها معنقينو كيدوزو على كرشو وتبسم مدورها عندو..
فطبلة الفطور سليمة وجاد لي ساكتين محاملش راسو فايق خاسر ...
سليمة كدور عبنيها ببرائة : نمشيو نتقداو ؟
جاد ببرود: ممساليش
بجدية : شنو عندك؟
جاد : عندي نهار راحة ...
ميقات فيه : خرجو ليك طبيب ولا راه غدا غنمشيو نخطبو...
جاد : فراسي ولكن راسي قاليه راسو متجهدش على راسك باش ايبقا ليك جهد مور العرس ...
غمزها مبتاسم ليها ...
سليمة : ايوا باااز مكتحتارمنيش ...
جاد : لا بالعكس كنحتااارمك وكلمتك هي لكبيرة وولكن مكنحشمش منك ...
سليمة بعصبية : وعلاش وعلاااش متحشموش مني معندي هيبة معندي وقااار ...
لا انت لا داك العجل دمعتصم لجاي فزك ليل بلى ميعلم ...
جاد : حيت تتباني صغيرة وكيوت وزوينة مكتبانيش فعمر امنا كتباني ختنا كنخافو نخرجو معاك ويوقفنا شي حد باغي ايخطب ....
سليمة بافتخار عاجبها راسها وعاحبها لي يفششها وايشد بخاطرها : مممم عارفة راسي زييينة خمسة والخمامس ...
نازلين فدروج مدور يدو على خسرها....
شعرو فازك لابس سورفيت سبور كحلة ...
وهي حداه تتمختر بكسيوى صيفيه طويلة فالوردي ومستورة ... شعرها منشفاه بسيشوار ...
معتصم : صباح نور ...
باش راس سليمة وعنقها وسلم على جاد ...
سليمة : مرحبا بيك فدارك ...
جاد : فين لباروك دالميريكان مجبتي لينا والو زعما ...
معتصم : لي سمع الباروك ايقول بلي كنت فخميس زمامرة
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
