هــــوس مــَا بــعـد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل 🍂: #مروى منصوري و جموح حنان
بإشراف : ملاك هانسل
البارت :30
جاد وسليمة تايفطرو بجوج فطبلة ...
سليمة : ماعرفتش فوقاش غايخرج معتصم ...
جاد تايعض من الكرواصة: ملي ايبغي ايخرج غايخرج ماديريش فبالك من جيهتو ...
ابتسمات ليه : الله ارضي عليك اولدي انت لهاز ليا هبالي ( حنات راسها باسف) والله الى ندمت تندم زغب لي فراسي نهار بززت عليه اتزوج ( هزات راسها فإتجاه دروج ) بالخصوص ديك بنت ناس ...
شرب من قهوتو تايمضغ: خالتي كلها وكايصرف مكتوبو انت غير طريق.... ماتبقايش تلومي راسك اتمرضي ... ونوضي وجدي راسك نوصلك ديري كونطرول راه توحشت تيتيز ... احم زعما على قبل صحتك ...
سليمة : الله امسخك قول توحشتي تلوط على الفرمليات ....
جاد: ديريني بحال البقر الهولاندي تبااارك الله ...
ضحكات ليه ووقفات بعكازها هزات ساكها ومشات معاه ... تايهز ليها هبالها وداير بخاطرها.
نعمة تاتكسل شبعااات نعاس... توجهات للحمام لابسة سروال فالغوز بيبي وااااسع وديباردور ابيض ... طرفات راسها وخرجات نازلة تفطر تاتخلل خصلات شعرها المبعثرة بيديها ....
دورات عينيها على طبلة بملل ... هزات طبسيل فيه كيكة بشكلاط مقطعة طريقات ... تاتاكل منها سمعات صوت الاوطو حبسات قدام الباب ... هزات كتافها باهمال طالعة لبيتها ....
تقاطعها صوتو المخلل ودنيها : نعمة؟!
دارت عندو بشوية وبهدوء : خرجتي؟
دور عينو فدار ملي تأكد بلي مكاينش جاد ترخفات فيه نفس طلعها ونزلها تايحقق فكتافها لي باقي فيها شوية دلاطراس دالضرب : كي بقيتي ؟؟
دورات عينيها بطنز : كانموووت
طلعاتو ونزلاتو : غانولي بخير نهار تخرج من حياتي
معتصم بهدوء: هداك نهار ماعمرو مغايجي الشكلاطة...
عضات من طرف دالكيك متكية برجلها على الحيط : كي جاك الحبس ( طلعاتو ونزلاتو حوايجو مغبرين وتحت عينه كحل بقلة نعاس ) والمك وواتاك ...
ابتاسم ليها مقرب منها خطوات : الحبس دالكوميسيرية فيه رحمة
مد يدو وجهها اللي بعداتو كرد فعل لا ارادي خايفة اضربها .... جمع يدو بغصة فحلقو ... وبحة فصوتو : فيه الرحمة على حبس عينيك لي مكبلني وكايجرني ليك ....
رجعات خطوة لور بملامح باردة متجاهلة كلامو: فراسك بلي انت فداري ؟؟
معتصم ببرود خاشي يديه فجيابو : اه دار اللي بنيتها طوبة طوبة وهديتها لسليمة وهي وهباتها ليك ... مالها؟؟؟
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
