هــــوس مــَا بــعـد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاق
البارت :11
سليمة :ريحة العرق فيها وديما غالباها ... كاع لشافتها عند كراناتها تشهاتها وبغات منها ودارت كية للسانها وطمرات عليها ....
نزلو دموع اوليفيا مدللة باها مقداتش تخيل مزال المنضر زعزع خاطرها ....
سليمة : الحب زوين بزااف ولكن خاصو بزاااف دصبر هو رابط مقدس ... ولكن مكيوكلش الخبز احنينتي الحب وقلة الشي وقلة الصبر مكيتلاقاوش فبلاصة وحدة....
دورات كرسيها داخلة لبيتها من بعد ما شارت لخدوج تجمع دنيا وتنقيها ....
اوليفيا مسمرة فبلاصتها جامدة ... طلعات لبيتها تتمسح دموعها .... بدلات حوايجها كلها كتترعد ... لبسات ميني جيب فالاسود وبودي احمر خفيف مبينين زعوريتها طلقات شعرها ... ودارت عكر احمر فاقع ....
طالون اسود فرجليها ونضارات كبار فعيونها ... حلات فاليزتها تتجمع حوايجها وعطورها وباندوشاتها .... جمعات كلشي ليها وكيخصها .. حلات خزنة صغيرة خاصة بمجوهراتها جبدات منهم وراق تتشوف فيهم مدة ....
جرات فالبزتها والوراق فيديها ... وقفات قدام مكتب معتصم دقات بهدوء تسمعات الادن ودخلات بابتسامة ...
وقف مستغرب منها روايح ؟ حوايج؟ فاليزا ؟ بتاسم باستهزاء : شنو سخيتي ؟؟ غتخليني وانا فامس الحاجة ليك ؟؟؟؟
اوليفيا ببرود ممتعودوش وممولفوش منها : بب انا مغنرضاش نعيش حياتي كسندريلا انا خلقيت اميرة وغنبقا اميرة ... منقدرش على زلط وقلة شي كترشي ... انا ولفت الخنات والفشوش لي بغيتها كتحضر معمري منرضا بالقليل معمري نقبل نعيش فمستوا قل من لي انا فيه ....
ربع يديه بملامح باردة مسند على الكرسي الجلدي : خاصني شريك ادخل معايا براس المال مغتقديش تغامري اولا تقنعي باباك ؟؟
اوليفيا : بابا مكيقبلش بقل من مستواه ... مغيبغيش اعاونك ....
معتصم ببرود : اك شكرا ...
شافت فالوراق فيدها ولاحتهم ليه فالمكتب باستهزاء : هاك خود
هز حواجبو باستغراب ؟؟؟
حيدات نضاضرها تتلعب بيهم فيديها: مممم معرفتش شدني الفضول لبيت نعمة ولقيت هدو ... ممم وراق طلاقكم ....
صغر عينيه فيها ....
قهقهات بانوثة: خبيتهم باش متعرفش بلي طليقتك اوبس عفوا مرتك موقعاتش عليهم اصلا ... يعني مطلقاتكش ... وباقا فدمتك
( بنضرات خبيثة) شفت بلي وليتي كتميل ليها حيت عندك مشاعر ليها ... صراحة فرحة ليك غير هي لغتقبل عليك ...
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
