هــــوس مــَا بــعـد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل 🍂: #مروى منصوري و جموح حنان
بإشراف : ملاك هانسل
البارت :7
جمعات حواجبها باستفهام : كيفاش ؟؟؟.
رجع ليها رجليها لبلاصتهم ضاحك : لا والو ماشي شي حاجة ...
سليمة شدات فيدو تاتطبطب عليها : شوف اولدي انا عارفها عاجباك وحاط عليها العين وهاد المدة كاملة داير بيناتكم حدود مربي واحسن تربية الله ارحم من رباك ... وانا معاودة لك كولشي
... نقد نكون ضلمتهم بجوج ربي اغفر ليا ... وانا مابقيتش ندخل فنعمة هي حرة وقادة براسها وانا عليها حاطة راس بنتي اللي ماعطاهاش ليا ربي ....
طبطبات على يدو : عاود لي شنو وقع شنو شفتي ....
تبسم بحسرة بايس يدها : مديريش فبالك اخالتي غير نسيت راسي بين المرا وراجلها ....
وقف دافع بيها الكرسي مخرجها وهي ساهية فهضرتو منطقها حتى شاف شي حاجة ... ولكن شنو هي ؟؟؟؟
داز هاد المنضر كولو قدام عينيه ... حس بالقهرة ماحملش راسو كثر ماهو محاملوش .... تنهد مغزف شحال هدا ماحس بحنان مو ولا طبطبات على يديه. .. علاقتهم كانت زوينة حتى بدات كاتحكر على زواج ... وخسرات فاش كانت العروسة نعمة .... شاف فنعمة هي سبب السخط ....مممم ممكن تولي سبب فرضى .... تبسم بخبث ومكر عيونو لمعووو بشر ....
شافت فيهم سليمة .... كاتسكانيهم بعينيها ... نعمة مبردة تاتلعب فتيليفونها وهو ساهي فنعمة بشوفات فشكل فسراتهم هي بممكن اكون معجب بيها ولكن طمرات ....
ضحك ليها محسن : يالله خليت لك راحة الحصة جاية نبغيك واقفة على رجيلات وخا ....
ضحكات ليه : ان شاء الله اولدي الله ارضي عليك ...
ضربات لمعتصم فودنو "الله ارضي عليك خلاتو احققددددد ....
تفكر نهار قالتلو. "انا ساخطة عليك " من تما مابقاتش هضراتو وتعاملها معاه بارد ....
نعمة جمعات تيليفونها بمزاح : امضرا.
سليمة : حمد لله تانحس برجليا خفافو وقاليا ولدي محسن ( باركة على ولدي) بلي نقد نبدا نتمشى بالعكاكز ومن هنا سيمانة غانوقف ....
نعمة بفرحة : الحمد لله ياربي ... فرحتيني ...
جات تدفع بيها الكرسي ...
دفعها معتصم ... بجنب .. شافت فيه بنص عين بلى متعلق وتقادات فوقفتها ....
تحنى هاز مو لي معانداتوش ومدارت تاشي رد فعل ببرود تاتشوف فيه ....
ركبها بشويا حداه فطوموبيلتو. وجمع لكرسي حطو فالكوفر ....
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
