هوس مابعد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل 🍂: #جموح حنان
البارت :67
فاقت سارة تتكسل ودخلات دوشات دوش خفيف ... لبسات سورفيت طويلة محترمة وجمعات شعرها باهمل ...
صونا تيلي كي شافتو ببرود مدة ودارت مود افيو مخليها غينفاجر ....
خرجات ولقات امير تهو خارج مبدل لابس سورفيط زرقاء : صباح نور فين جوري؟
امير باسها من حناكها : صباح نور نعسات لبارح فالبيت المقابل معايا
دقات عليها ودخلات لقاتها تتعكر لابسة كسيوة حد ركبة مفرفرة بالباج : صباحكم ورد ولوز
سارة : ياله نزلي حشومة حنا فدار ناس ماشي دارنا وحاولو تنقصو عليا من ديك المدابزة والضسارات ...
تبعوها : كوني هانيا ...
جبد امير تيليفونو تيشاطي وجوري تتبوزا فمشيتها ..
ريحة المسمن عاااطيا فدار مجهدة والقهوة معطرة ...
الساعة 11:45 دقيقة ...
ريحة الخبز بالخميرة البلدية فايخة فدار كلها ... وطاجين على نار مهيلة كيطيب ... دار بنقاوتها وتاويلها تتلمع .. ريحة جافيل وسانيكروا تتقلب ... سليمة وسارة كالسين فصالون تيتعاودو .
سليمة فلباسها المتول التقليدي وسارة فالعصري نوعا ما كان لباسها محارمة .. كل وحدة كتعاود على حياتها ولي عاشت توالمو وتفاهمو وحا راس على راس. ...
بعيد عليهم شويا جوري و امير وجاد كالسين فالارض كيلعبو كارطة اولا بصيغة خرى كيقمرو ...
جاد : اضمستكم ..
جمع دوك زرقات وخشاهم فجيبو
جوري : ناري والله تانت غشااااااش غشاش ...
امير : غتعلمني قوالب راه بزاف كاع مصورفي طبيتو ...
جوري كتغبن : خويا الزوين معندي باش نشري غوب لعرسك والمكياج وداكشي هو لي عندي ...
جاد : نزيدو شي طرح
جوري وبغييييت فلووووووووسي
وقف جاد : دبا ولاو فلووووسي وغنعرس بيهم
حرك لفلوس بين يديه دوز صبعو على لسانو كيحسبهم غا زرقات وافقص فيها ...
جوري دارت عند امير: واش انت مبرررررد ممسوقش
امير هاز كتافو : كتعرفي روح الرياضية ايوا راه عادي مرة خاصرين مرة رابحين ....
تدق لباب ... جاد شاف فسليمة : هدا ولدك ومرتو ياك مغتزغرتي ليهم تاني ...
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
