مــَا بــعـد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل 🍂: #مروى منصوري و جموح حنان
البارت :56
اصبحنا واصبح الملك لله
فاقت تتكسل وجهها منور وضحكة على وجهها تقلبات تتقلب عليه بيديها كي تفكرات بلي هو مكاينش ... قوسات شغايفها باسف ...
هزات تيلي من تحت مخدتها 11:30 ...
نعمة : اوووووواه وانا لمعولة نفيق مع 7 نودعو ....
تقلبات بانت ليها وردة حمرة مع صينية الفطور ...
تقادات فكلستها لابسة قبيتو تتشمشم فيها ... هزات صينية بشهبة مفتوحة ...وشعرها مشعكك ... عقدات حوجبها باستغراب وضحكة على شفايفها كي بانت ليها وريقة صغيرة مطوية فجنب ....
حلاتها تتقرى فيها " ادمنتكي سمرائي كإدماني للقهوة ... بحق سواد عينيك اهو سحر ام حكم بالاسر في لذة عسلك "
عضات حنكها من لداخل تتفطر بشويا عليها كان باين هو لي مصاوب الفطور ... عصير ليمون وبيض مسلوق ... وكيكة دشكلاط كانت فتلاجة مقطعة مدريسيا مزيان ... وطرف دالخبز حداه الكاشير والفرماج ....
وقفات غادة لدوش .. دوشات بخاطر خاطرها ... وخرجات تتجمع لبيت ...سمعات تيلي تيصوني بالخف جاوبات كان ابيل فيديو : اهلا ...
معتصم كالس فكانابي كيحك جبهتو تحت عينيه كحل بقلة نعاس : كي صبحتي ؟ عاد فقتي ؟
نعمة بغنج : اه .. وانت عاد وصلتي ؟
معتصم تيتفوه : اه عاد وصلت مدكدك باغي غي نعس ...
كلسات تتشوف فيه : ومالك منعستي فطيارة ...
معتصم : كنت تنراجع الملفات ... حيت لبارح عوض نراجع الدواصة بت تنحرت ...
باستغباء تتضحك : اينا جنان تتحرت ؟
ضحك ليها مقهقه برجولية : اخخخ واحد المنجم اش غنقولك غا خليني ساكت ....
عضات شفايفها : ومتوحشتيهش ...
معتصم : توحااااشتو وتوحشت تتوحيمة لي فترمتك ....
حابسة ضحكة : وتترجع ...
خنزر : هبطي تيلي نشوف اش لابسة؟؟؟
دورات عينيها وهبطاتهم كانت لابسة بيجامة بيتية فالباج سروال واسع وتريكو ساله مغطية ترمة ....
ميل شفايفو : سدي الصدقة الفوقانية عنقك باين وفاش تنزلي جمعي شعرك ...
شافت فعنقها ... الكول كيكون على شكل v لصدات ديك صدفة غتقج...
نعمة كدور عينيها : مكتسدش وزيدون صدري معريانش ....
زاد غوبش: متجهليييينيش ...
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
