هــــوس مــَا بــعـد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل 🍂: #مروى منصوري و جموح حنان
بإشراف : ملاك هانسل
البارت :39
تنهد حاس براسو فرحان ... كي لي ملك الدنيا : ميكون غي الخير ان شاء الله..
مسحات فمها ووقفات هازة بوشيطها : نمشيو؟
ضحك مقهقه برجولية: دغيا سخيتي؟؟
قلبات وجهها بجنب : تنتزوجو واكون خير دبا مبيناتنا والو... غي كنتعارفو ....
عينيه كيلمعو بطنز : بغيتي تقولي مصاحبين؟؟
هزات كتفها مبتاسمة : مفايتش جربت المصاحبة ؟؟ بغيت نجرب...
وسع ضحكتو تبانو سنانو : تهدا حل.....
قرب باسها من خدها بحنية مستنشق ريحتها ...
بعد سابقها لاوطو ديالها بلى ميهدر .... تنهدات كتمنى متندمش ...
راكبات حتى هيا .. طلق موسيقى خفيفة هادية فيها غير لحن زوين ....
بجوج ساكتين هو ساهي فرحان مخرج يدو من شرجم بحال عادتو ... وعقلو سارح فكفاش اكسبها .... وتبغيه وحياتهم المستقبلية متحمسسس بزاااف ....
بينما هي حاطة راسها على زاج شرجم من جهتها ساهية فطريق ... قررات تعطيه فرصة وتحافض على الحدود بيناتهم ....
متطيحش فيه تقتها كلها ... ومتفارقش معاه فنفس الوقت .. تتشوف شنو ايوقع مستقبلا وشنو مخبي القدر
حبس خيط تفكيرهم مني وقفات الاوطو .... نزل حال ليها لباب حتى هبطات معجبة منو ... ومن تغيرها المفاجئ
شد فيدها بعيون كيلمعو : جيتي زوينة بزاااف اليوم ...
ابتسمات بجنب: بغيتي تقول مفايتش ليا كنت زوينة شي نهار من غير اليوم؟؟
حرك راسو بنفي عارف صعيب تنسا ... تحنى هامس فودنيها : طول عمرك زوينة ... زوينة فعيني وساكنة فقلبي ..
تسلتات من بين يدو ...تدور عينيها : نخليك فيا نعاس ...
ميل راسو :نجي نعس حداك ...
ضحكات محركة راسها بلا ...
كيضحك: منديرش لبسالة ...
طلق بحال الى مسمعاتوش ...
طلعات فدروج توصلات لبيت ...
تنهدات بعياء تتفكر وتعاود ...
حيدات صباطها باهمال ...
وتكات بحوايجها ومكياجها سارحة فسقف وتغيرو مدوخها ...
وغير ضو الفويوز لي مضوي .... تداتها عينيها ... بلى متحس
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
