هوس مابعد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل:جموح حنان
البارت :69
خرج من دوش تيمسح شعرو لابس سورفيت سبور مقطنة فالكحل وخا شارف شاد فراسو ...
كلس فوق ناموسية مقابل مع سارة لشادة تيلي ممسوقاش لابسة سورفيت فالوردي ... حاولات تجاهلو ولكن ديرونجاوها نضراتو ...
حطات تيلي وشافت فيه : شنو امحمد عيقتي على الولد وبزااااف لقا حل حشومة كاع ...
تنهد : شنو هو مكيعطبنيش فرصة ناقرب منو اصلا ...
وقفات معصبة : صافي باركة امحمد انا عييييت منك تتفهم انت باقي عايش فالماضي تتتحاول تتعيا ولكن باقي متتقبلش موت المرحومة مو باقي فعز نعاااااسك تتعراق وتقلب وتنطق بسميتها مزال راك حاصل فالماضي انت اصلا مقادش تنقز الماضي باش تعيش فالحاضر مع ولدك مزال عندك العقدة دكتشوف راسك انت السبب
محمد ببرود: سكتي
سارة تتحاول متغوتش ولكن كتهصر بحدة : مغنسكتش حيت من زمان وانا ساكتة هي ماتت الله ارحمها ماترجعش ... وانت مكنتيش السبب وسع خاطرك لي ديما ضيق مع ولدك حيت مغتكسبوش فهد اك شكل دانك ديما ديما ديماااا تتبغي تمشيه على هواك وهواك سبحااااان الله تيختالف مع رغباتو. ...
محمد مزيرليها على دراعها : اه انا مناسيش الماضي ومقادش نساه عجبك تبارك الله معجبكش معندي مندير ليك
رخا منها عاطيها بضهر : ولي دخلي سوق راسك فعلاقتي بين ولادي ...
شافت حتى عيات وخرجات غادة لبيت جوري تنعس معاها ..
تيشوف من شرجم داز نهار بزربة مقدرش اهضر مع جاد .... تبسم ملي تفكر اية حس بلي جات مع ولدو ووساعت ابتسامتو فاش تفكر نضرات جاد .... تنهد نفسو ضيقة وقرر ايجيب دورة فجردة
عند نعمة لي متكية فصدر معتصم : معتصم
معتصم بهدوء: مممممم
نعمة : كنت كنتخيل اب جاد قاصح وشرير وفشكل ...
معتصم : وكي جاك
نعمة : تيبان مهيب ومهدن بزاف وتفكيرو غارق وعميق متعرفش كاع اش تحت راسو فيه شي حاجة لكتخليك بزز منك تحتارمو ... وكيتشابه بزاف فالملامح مع جاد غير هو علاش ممفاهمينش
معتصم : جاد كيفير بزاااف من تعامل باه مع خوتو وصراحة من حقو اما باه معارفش كفاش اتقرب منو هو عمرو مكرهو ولكن معارفش اكسبو لعندو فاش كيحاول بلطف كقمعو جاد وفاش كيحاول بالقوة والعنف كيشد معاه العكس ....
تمخششات فيه : الله ايصاوب وصافي ...
جاد كالس فاللور دجردة فواحد الكليسة صغيرة كيبرم فجوان تسلاها وتقاد فكلستو واخد راحتو كينتر بشويا وايبخ عينيه حمرين تبووووق بالمزيان
حس بخيال واقف موراه...
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
