هــــوس مــَا بــعـد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل 🍂: #مروى منصوري و جموح حنان
بإشراف : ملاك هانسل
البارت :36
نعمة : فاش رجع قال مباغيش اطلق وبلي ولا باغيني
عبد الله بجدية: سمعي اختى نعمة انت كبيرة وواعية وبعقلك وعارفة لي يليق ليك مسؤولة تبارك الله ... وانا معليا غي تلقايني ديما واقف معاك ...
دوز يدو على لحيتو : مغندخلش معاك فتفاصيل نسولك حيت تنحتارم خوصوصية اي جوج ... ولكن حنا رجال وبلى نفاق وزواق تنبغيو بعينينا ... غنقولك هضرة ميقولها ليك حد .... حنا تنبغيو بعينينا وانتوما تتبغيو بودنيكم ...
هزات حواجبها باستغراب ...
مكمل هضرتو : المراة تتنجدب لكلام لحلو فاول لقاء واول شوفة وتعارف وحنا رجال تنجادبو لشكل لتقة فنفس لي عند لبنت ....شحال من وحدة ممكن تلقايها مزويناش موصلاك تفربع زينك ولكن دافعة سنطيحة وعاجبها راسها وهدشي كيجدب الراجل ...
كمل كلامو : بان ليا بلي حماتك لي غلطات زواج اختي نعمة قسمة ونصيب ومدام تزوجتو الا ربي ختاركم لبعض... والى كان نادم وشفتي النذممممم واضح عطي فرصة وغتلقاي الفرق ...
سهات فكلامو لي شوش تفكيرها دبصح خربقها بالمزيان وفكلام ختها ... تتفصل وتخيط .... ايتسمات باستهزاااء كون عودات ليهم على عشيقتو وضرب لضربها ... كون شدوها عندهم ووكلو ليها محامي وحرموووووها عليه .. جبدات تيلفونها تتلعب فيه ساكتة
تعشاو فجو مكيخلاش من البسلات ددراري صغار وضحك ونشاط ...
دوزات معاهم يوميا ضاحكة ناشطة مفوجة بدلات الجووووو وستمتعات بوقتها عجباتها بزاف علاقة ختها وراجلها وكفاش كيفششها وهاز هبالها ومعاونها على الولاد لي مشيبينها ....
صونا تلفونها شحال من مرة ... حلات نص عين مجاوبة بلى متشوف شكون تتبعد شعرها على وجهها : الو ...
ݣالس فمكتبو تيشعل سيجارتو ... تينتر نترات طوااال ... عجبو صوتها تقبل باينة ياله فايقة من نعاس بصوت مهدن : نعمة ...
حلات عينيها فسقف مدة ساكتة: وي؟
بخخخ دخان من فمو: امتى نجي نديك؟؟
بعدات تيلي تشافت ساعة ورجعاتو لودنها مع 12 ان شاء الله ...
بقاو بجوج ساكتين ... تنهد : توحشتك ...
دورات عينيها : اتوحشك الخير اخويا معتصم ..
ابتاسم ابتسامة صفرة من تيلي: خوك فالاسلام ياك؟؟؟ بصح توحشتك
ميلات راسها تتفوه : معتصم فيا نعاس. ...
قطعات عليه وتقلبات تكمل نعاسها بلى متعطيه اهتمام
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
