🥂هوس بعد الطلاق🥂( مكتملة )

part34

هــــوس مــَا بــعـد الطـــــلاَق🍂

•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•

بأنامــل 🍂: #مروى منصوري و جموح حنان
بإشراف : ملاك هانسل

البارت :34

معتصم : شكون فيهم ؟؟

قلبات عينيها بملل : حسناء الكبيرة...

تخطاتو تتجمع حوايجها ...

بعدها بشويا تيقلب فدوك الحوايج حيدهم كاملين رادهم للبلاكار...

وقف مقابل معاها  : بغيتي تمشي معليش يومين ونجيبك ولكن...

بنفاذ صبررر : اششش اششش مديرش فيها الزوج المتحكم الغيور...

هزفيها صبعو : قسما برب الكعبة ومهزيتي مستور لعتبتي لباب ...

تافففات شافت تعيات ...و رجعات هزات سورفيت زرق غامقة ... فايتة ترمة بشويا وجوج بيجامات دنعاس ... سروال وتريكو ... وكسوة دالدار معريه من الكتاف .... حاول اطمر عليها وميحكرش بزاااف...

سدات الفاليزا تتشوف فيه : بغيت نمشي دبا...

حرك راسو بالايجاب هازة لفاليزة. سابقها ....

داز على جاد وسليمة .... لي تبعو ليه العين تيبرككو .... سليمة تتقلب فتلفزة وجاد قدامو بيسي خدام فيه ....

شاف فسليمة : اكون طججج ؟؟

سليمة : كنتي تسولو؟؟؟

نزلات نعمة جامعة شعرها كود شوفال ... دايرة نضاضر على عينيها ... بحوايج سبور مستورين ... ونايكة بيضة فرجلها ..

جاد همس لسليمة : زغرتي واقلة غادين لشعر العسل ...

ياله غطلق تزغريتة رجات حبسات تتشوف فيه مخنزرة : كضحك على الوقت ياك ؟؟

هز كتافو : وانا بان ليا تصالحو ...

سليمة : كنتي معاهم؟؟ هديك لفاليزا دنعمة وصغيرة بزاااف متديش حوايج دجوج غادين لشهر العسل ...

شاف فيها :وجاتي الفضول دبا ضرني راسي...

رجعات عيونها فتلفازة : لضرك راسك سير لبلاكار لكوزينة على يدك ليمن  راه كاين دوليبراين تما ....
ااصمت سيد المكان  ....كيسوك مخرج يدو من الشرجم.... ساهي ...

اخر  حوار دار بيناتهم هو سولها على لعنوان ... نعتات ليه بجوج سكتو ...

هو كيفكر شنو خاص ايدير معاها مكينش حل ومجربوش وهي كتصدووو وتصدوووووو .. وهد الصد تيهرسووووو كبكره ضعفووووو معاها ...

وهي كتفكر فكلاموووو كفاش كان كيهينها ودبا ولا باغيها ....كيفاش هرسهاااا ودبا رجع مهوووس بيها ... وكفاش الادوار تقلبات ...

بجوجهم حايرين بجوجهم راسهم تنفخ بكترة الهضرة لي مكتجيب نتيجة .... بجوجهم خاصهم وقت افهمو راسهم .. بجوجهم كبكرهم ضعفهم قدام بعضيااااتهم ....وكيقاومو بعضياتهم هو مباغيش اتنازل وعي مبغاااش تسامح ....

باركا قدام لعنوان لي عطاتو  ... بينما هي دوزات الخط لختها ...

نعمة : الو بب ... وي وصلت اني قدام لباب .... كين راجلك؟؟؟ ... صاي وخا ابب...

شاف فيها ببرود واخد سجارة من الباكية حاطها ففمو تيشعلها نتر منها مطوووووول : كن راجلها فدار ؟؟؟

حركات راسها بنفي : كنت باغاك طلع  تسلم عليهم ...
مي راجلها متيجي تليل ...

حرك راسو بلا : مرة خرى فاش اكون راجلها مجاتش نطلع وهي غير مرى مع ولادها ...

حركات راسها بالايجاب نزل  .... حال الكوفر نزل ليها لفاليز ...

نزلات جاراهاا فصمت تبع ليها العين تطلعات للعمارة ... ورجع للاوطو .

.تنهد متكي على الفولوووون حس بطاقتو سالاااااات تهدددد دبصححححح....

وصلات لباب الدار طالقة ودنها تتسمع جرا ددراري صغااار والغوات من هنا وهنا ....

ضربات فناقوس تتسمع صونيت فدار. ... الغوات نقص تدريجيا سقيييل ...

تحل لباب باش تبان ليها حسناء ... لي زادت عمرات  .... فبيجامة سروال وتريكو فزرق فاتح وشعرها مجموع بقراسة ....

تسالمو مدة معانقين فالبااااب ...
شافت مدة فوجه ختها  ساكتة  ياله غتحل فمها ...

حسناء: كنعودها بلى كدوب...

رجعات ساكتة مميلة شفايفها  تنهدات : فلول كنت مصدووووومة ومتقبلتهاش وكلشي جا دقة موت با مرض خالتي سليمة وديك روينة وشوهة لدارت لينا ثورية دازت ست شهور وانا كنحاول نستوعب كنت بحال المستوهة ....
( بلعات المرار فحلقها) من بعد

سكتات مدة تدوات حسناء: كملي؟

نعمة : كنت حاسة بالحكرة بزاف دالحكرة  .... فاش شفت راسي فالمراية قلت امكن عندو الحق كنت ضعيييييفة بزاااااااف وحالتي حالة وقفت على راسي وخدمت  على راسي بنيت راسي .... زيانيت ربيت لطاي قريت لغات درت ديبلوم لقيت داز عام ولقيت تبدلت .....منكدبش عليك ولا نافقك كنت كنقول غيرجع غيشوفني غنعجبو غيندم واتنازل .. وغنتصالحو ونبغيو بعضياتنا...

سكتات مدة :  كلما داز الوقت ... زادت تقتي فراسي ...ولفت غيابو  ... تقبلت بلي هو ماشي من نصيبي وباش نكون صريحة معاك وصلت لدرجة  تبعت مع طبيبة نفسية ....

حسناء: كنتي تتبغيه؟؟؟

تنهدات وابتسمات ليها: اه كنت كنبغيه وبزاف ... باش ايجي نصيبك لداركم زوييين بفلووووسو شخصية وكاليزما وعند بالك كيبغيك وقابل عليك ( ضحكات) هد قابل عليا ملي مكنتش تايقة فراسي  ...راه شي حاجة زوووووينة رسمت بزااااف دالاحلام والامااال ... تعلقت بيه وبغيتو عليها جاتني دقة صعييييب هرسنيييي ليلة عرسي   ... وعاااانيت فغيموووووم عاااانيت .... باش نكون انا كما  دبا نعمة القوية....