هــــوس مــَا بــعـد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل 🍂: #مروى منصوري و جموح حنان
بإشراف : ملاك هانسل
البارت :8
نازل بسورفيط سبور مبررردة شعرو فازك وريحة النعناع سابقاه ....
كانت نعمة فالطبلة تتسناهم اتجمعو هز راسو فيها ... مصغر عينيه لابسة نفس البيجامة ولا جاب لو الله هز حاجبو ... نفس البيجمة لي كانت لابسة نهار جا باش اشوفها اول مرة .....
كلس فبلاصتو مقابل معاها كيدقق فيها .. . البيجامة غطررررررطق عليهااااا جامعة شعرها لفوق .. وخصلات منو نازلين فجناب .. .. مكحلة عويناتها ....
حناكها طالعين..... بقا تيحنززز فيها ... وهي تتلعب فتلفونها طفاتو وهزات راسها فيه بجراة تتشوف فيه بتحدي. عيونها فعينو شكون اهبطهم لول ....
معتصم : شنو كتحاولي تصنعي
ميلات راسها : انا!!! واااالووو ...
عينو مشات لشقة صدرها لي برزات من لبيجامة ....
شربات من كاسها ... متعمدة تلبس هد لباس ... وهد لبيجامة بالضبط ... مركزة فنضراتو لي تبدلو ليها ... بتسمات بنوع من النشوة والانتصار ... متلددة ....
كين فرق وفرق كبير بين شوفاتو دبا وشوفاتو زمان ...
قطعات صمتهم دخول سليمة بكرسيها لمتحرك تتبركم .... قربات لطبلة ... تتدور عبنيها وشافت فنعمة : ديك عود سبسي مكيناش....
هزات كتافها بمعنى معرفتش ...
سليمة تتشوف فمعتصم
معتصم قالب عينو : مسميتهاش عود سبسي سميتها العود الفرنسي ...
سليمة مميقة فيه: سميتها. سوء التغذية والفقر وبومزي
باستهزاء: تكون كما بغات تكون مهم بلقة وعيون زرقين وزعيعرة ... ماشي بحال لبقرة ضاحكة لي حداك ....
هزات فيه نعمة راسها ببطئ... هازة حواجبه
هزات راسها فيه بشوية هازة حاجب ومنزلة الثاني محافضة على بسمتها .....
برزانة تاتلعب بلسانها فحنكها :العينين زرقين ؟!بغيتي تقول خارجين كي اللبي والشفرااان طايحين بقوة ماشبعات تركاب فالإسطناعيين وغالبينهم لي سيييغن والحجبان فيناهوما؟!كاع مكاينين....نيفها طول من حياتكك الى جرات النفس تنفحنا كاملين.
(شافت فسليمة )
ماما الشنايف غير خلينا ساكتين السم كايبان من رققهم الى ماقستيهمش بيدك تحلف عليها زايدة بلا فم....الشعر زعر ؟!جوج زغبات محروقين بالبلاك بينها وبين الفرارج د درهم قاسم مشترك واحد هو الصفورية اما هوما تايكونو عامرين هههه.
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
