هــــوس مــَا بــعـد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل 🍂: #مروى منصوري و جموح حنان
بإشراف : ملاك هانسل
البارت :25
نزلات مطرفة راسها ... بستيل عملي سروال توب طويل واسع كحل ... مع قميجة بيضة داخلة فسروال وطالون كحل .... شعرها على راحتو. ..
كان جاد وسليمة تيفجرو ...
بابتسامة : صباح نور عليكم ..
جاد وسليمة: صباح الخير ...
جاد : اول مرة نشوف شي كوافورة مكديرش المكياج
نعمة : حيت هي ممحتاجاهش
غمزاتو وهزات تتاكل ...
جاد : فين معتصم ؟!
سليمة : عاد طلع انعس ليل كلو وهو كيشرب فالقهوة كحلة مطرطق عينيه فالبيسي....
حرك راسو وشاف فنعمة بجدية : نعمة بغيتك تصيفطي ليا ليوم ميكاب اغتيست...
جبد كارت فيزيت حاطها ليها : لهد العنوان حيت كين جلسة تصوير اشهار لمشروعي الجديد لي هنا ...
حركات راسها بالايجاب : اك ....
سليمة : فاتك الحال شويا نفسية مزيانة
تنهدات نعمة: شويا وصافي ...
جاد : الى قبلتي بعراضتي ليوم بالعشية غنديك لبلاصة زوينة بزاااف غتحيدي لقنط ...
سليمة : فكرة زوينة ول لبارح خرجني فوجت والله ....
نعمة بابتسامة : غنفكر ...
جاد وقف هاظ سوارتو : صاف مع 17 اندوز عليك لصالون ...
خرج بلى ميسمع جوابها ...
صونا تيلي نعمة . هزاتو بالخف مجاوبة : وي ... اه ... واجدة. مزيان
قطعات مبتسمة ...
سليمة حطات الكاس من يدها مستغربة : شنو؟؟؟
نعمة بجدية : معندي منخبي عليك اماما سليمة انا غيخص نخرج من دار مجاتش انا ولية بين جوج عزارة ... وزيد انا باغا نطلق قررت هدشي...
سليمة : بلى متمرضيني على صباح؟! هد دار دااارك وبسميتككككك يعني وقت مبغيتي تجري عليهم رااااه الباب تتعرفيه .... جري عليهم تمعتثم براسو غيطي على لبوليس اخرجوه ....
نعمة : ولكن كفااا
قاطعاتها واقفة تتعكز بعكازها : بلى متعصبيني صباااحتو لله الدار كتبتها بسميتك هي ديالي وحقي نتصرف بيها كبغيت خرجي منها لي بغيتي ولكن انت مغتخرجيش منها ... حيت انت بنتيبيي ...
عطاتها بالضهر غادة لبيتها مخليا نعمة تتضرب اخماس فاسداس تتبسمات بشر ...
خرجات من الصالون تاتحك عنقها بكترة الحسابات ... راسها تنفخ بنميمة ديال العيالات ريحة الصباغة وصوت سيشوار دارو ليها الشقيقة ....
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
