هــــوس مــَا بــعـد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل 🍂: #مروى منصوري و جموح حنان
بإشراف : ملاك هانسل
البارت :10
باركا فالباب دالاوبيطال ... هازها تاينهج ... ويغوووت : فييينكم ...
شافتو وحدة. فالممرضات من الشوفة عرفااااتو ... مشات كاتجري بعد مانغزات صاحبتها... عيطو على الفرملية الاخرين جارين باياص مدخلينها وطبيب جاي بطابليتو تايزرب فخطااويه ....
وقف حدا معتصم اللي تابع الباياص : شنو وقع لها بالضبط؟؟
معتصم تاينهج :ماعرفتش كانت مغيبة امكن. طاحت على راسها واحتماال عضاتها شي لفعة ....
دخلوها وطبيب موراها حابسو فالباب شاف فيه : اكون خير ان شاء الله...
تايمشي ويجي قدام لباب لحمووو مبورش كايتفكر دوك الحناش كايتززززززير. ... كولو كايترعدددد....
مدة طويلة كانت كافية تحرق اعصااابو قصد الباب ناوي افرعووو ...
حل طبيب خارج تايحيد كمامتو.
معتصم: شنو عندها؟؟؟
الطبيب : طاحت على راسها عندها ضربة. منفوخة ولاكن ماشي شي حاجة خطيرة ضربة سطحية .... مي رجلها تفدعات ... وكانضن جاتها نوبة عصبية حيت العروق فيدها كانو متشنجين الاكسجين تقطع عليها لثواني عليها غيبات ....
معتصم. ببرود بحال ماشي هو اللي كان كايرجف.: شكرا دكتور امتى نقدرو نخرجو؟
الطبيب : ملي تفيق اسيدي ...
حرك معتصم راسو بالايجاب وطبيب متخطيه ....
تنهد بحمد وشكر لله ...
بلعات ريقها كلها رتاعشات تاترعد ... كيفاش حناش تفكرات داكشي اللي داز فوقها معلك .... هزاتها شهقة بلا متحس من ديما تاتخاف منهم ...
معتصم باستهزاء : نسيت اصلا كيفاش غياكلوك ونت كبيرتهم
شافت فيه ببرود ولمعة زجاجية بانت فعينيها بكره ليه ...
تفوه كايطرطق كتافو : مانعست ماحويت ماسلخت والديك ... غاديال اللي اقسم حسك على 10 .....
تسمع دقان فالباب ودخلو جوج درجال على كتفهم بانضة برتقالية مكتوب فيها بوليس ... بجوج طواال ومكضرين ... اسود فاسود لباسهم ..
واحد فيهم : سلام عليكم ...
شاف فنعمة: انسة نعمة؟
معتصم ببرود : مدام نعمة الله يخليك ...
حرك راسو بالايجاب : مدام نعمة نتي اللي تاصلتي باش تبلغي على محاولة قت//ل ...
كان كايجغم من قهوتو تاحبس كايرمش بتقالة كايستوعب هضرت هدا حط الكاس فطبلة حداه مربع يديه مركز معاهم ....
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
