هــــوس مــَا بــعـد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل 🍂: #مروى منصوري و جموح حنان
بإشراف : ملاك هانسل
البارت :31
نازل فدروج ريحتو سابقاه لابس رسمي ... شعرو فازك ... ركب فالاوطو منزل الشرجم مخرج يدو كيف عادتو ....
كانو عاسين على باب الفيلا كيبان لهم بعد شوية ديمارو بموطورهم تابعينو ...
هز حواجبو من الموطور اللي وراه بحال لي كايتساببق معاه بلا مبالات كمل سوكان ولكن ديرونجاوه فاش وصل لطريق خاوية لموطور بحركة جنونية وقف قدامو تفرااانة فران سييييك خرج مغوبش زادح لباب كايشوف فهاد جوج صعاااصح لملتمييييين باين فيهم تريكت الحبس والتبزنيز ...
هز حواجبو فيهم ساكت هما لهازين لهراوات .... بلا موجب شرع هجمو عليه بيهم كايضربو فيه كتافو ضهرو كرشو ...غمض عينيه من حر شحال من دقة ولكن ماتزحزحش من بلاصتوو... الشي لوترهم. ...
واحد فيهم شاف فخوه : واش مكايحسش مغايدير والو؟؟؟
جاوبو بصوت غليض : ضرب ضرب
نزل عليه تاني للعنق ... شي لخلاه يحل عينو معصبببببببببب ...
نتر لو ديك الهراوة نازل عليه بيها لراس نيشان خلاه اغيب ... ودارت لتاني عاطيه سلخة رباااااااااانية ....
خلاهم مغيبين حدا بعضياتهم تيانو بالم
متكلم مادوا ماغوت ركب فالاوطو ببرود قالب طريق لدار وفالمراية كايشوف فعنقو اللي تكبد فيه دم بدا كايميل للون البنفسجي ..
باركات نعمة الاوطو داخلة لدار لقات سيارتو مسطسيونيا باهمال ماولفاتوش منو ....
هزات كتافها بلا مبالات داخلة بان لها فراس دروج محيد قاميجتو تايشوف فالمراية لي تم لحمو منبل حمر باينين فيه ضرابي ...
بتاسمات تبانو ضروسها ودخلات تطقطق بطالونا : ربي ماعزيزش عليه الضلم كي زرقتي لحمي جاب ربي لي يزرقو ليك ....
شاف فيهاا مدة بغموض: بصح عندك الحق ....
تاتشوف فيه مدة فطولتو وتفاصيلو صدرو مشعررررر بزغيبات شهبين ويديه تاهوما مبرونزين بسمورية زوينة جات مع زعوريتو ...
قرب منها شوية بنضرة غامضة: ماتوقعتكش حقودة لهاد الدرجة...
بعدات منو متخطياه باش طلع فدروج ببرود : لا بالعكس انا متسامحة بزاااف ...
شد فيدها : قلبك كحل ...
تنترات منو بشوية بلا ماتشوف فيه : لا غلطتي انا ماعنديش القلب اصلا ...
تنهد : مجاكش راسك تبرهشتي شوية؟؟
حطات الخدامة كصعة دكسكسو كبيرة بقوامها كما تشهاتها سليمة ..ريحتها فايحة .. بسبع خضاري ... وتفاية...
سليمة مبسمة : الله يعطيك الصحة ابنتي ....
وقع الصمت طالقين وذنهم مع الباب من غير جاد لي سما الله تياكل ...
ممسوقش .... ريحة شهاتو ....
اشرات ليه سليمة يقرب ليها: شنو هي دار طاعة اوليدي ( حطات يدها على دقنها مصغرة عينيها) ياك ساكنين فدار وحدة؟؟؟
جاد بهمس: دبا هوما ساكنين فدار وحدة اييييه ( هز معلقة من زلافة تسرط على خاطرو)
ولكن فارقين بيت نعاس...
هزات حاجبها فيه كتستوعب .... كمل كلامو :طالبها ففراشو وبيت نعاسو فحقوقو زوجية (غمزها مبسم بجنب) خليني محتارمك اسليمة ...
قلبات عينيها : ممم هكاك ...
هزات المعيلقة مسمية الله تهي : الله يدوز هاد الطرح بسلام ...
جاد بطنز : جري جري لفت اخالتي ...
وقفات مدة قدام لباب تاتشوف فالفراغ كتستوعب كمممممشات على الورقة بين يديها خابطة الباب ... نفسها تطلع وتنزللللل ... ومشات قاصداااه
تتضرب برجليها . . وقفات فوق راسووووو
بغوات تحلقها بح: واشششششششش معيتيييييييييييش ومرضتيييييييني فصحتتتتتتتتتتتتتتتتتتتتتتتي ....
سليمة بهمس بينها وبين راسها: ياربي ماباغاش ندعي فيها مربية عليها الكبدة ولكن تقبات ليا طبل ودني....
تياكل من شلاضة بشوية عليه : نديك لطبيب؟؟؟
لاحت عليه الورقة : كيفااااااش دار طاااااااااعة؟؟؟
هز كتافو : عادي مباغيش نطلق باغي مرتي فجنبي فحياتي فبيتي شنو لي مامفهومش .. ( ركز عينيه فيها) باغي مرتي
تتنهج : اه سبحان الله عاد بغيتيها ...وفين كنتي عامين هاااجرها؟؟؟
ابتاسم ليها : ماكنتش بكامل قوايا العقلية ( كايضحك ) عاد رجع ليا ....
مخي لبلاصتو .... وكون طلبتيني فدار طاعة ديك ساعة والله منعطلك .....
تعصبببببات ودمها كاتحسو كايغلي دربات برجليها فالارض وطلعات لبيتها بلا ماتزيد كلمة .... كتمتم بينها وبين راسها....
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
