هــــوس مــَا بــعـد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل 🍂: #مروى منصوري و جموح حنان
بإشراف : ملاك هانسل
البارت :42
مربعة يديها كتشوف فحديقة المستشفى ... بسورفيت وردية فاتحة شعرها مخبل كعكة معهملة .....
ساكتة تحت عينيها كحلللللل بقلة نعاس ... ضعافت بزاااااف ..... كتشوف فالممرضة من انعكاس المراية حتى كملات شغلها وخرجات بحالها ....
تنهدات كتحس بالحريق فصدرها ....
قربات منو كالسة على الكرسي فجنبو تتشوف فيه...
الكدمات فوجهو بداو كيتحيدو ... الغرزة كبيرة فجبهتو فوق حاجبو ... السيروم وجهاز تنفس .... دقات قلبو غادين مع خط جهاز تخطيط .. بوتيرة متوسطة ..... لحيتو طوالت شويا ....
دوزات يدها على شعرو الزعر وابتسمات ابتسامة دابلة : واش معيتيش؟؟؟ معيتيش شهر كامل وانت مغيب؟؟؟ محنش قلبك ... ( تغرغرو عينيها ) طولتي فنعاس طولتي بزااااف ... كل نهار كنقول غتفيق ولكن مكيتبدل والو .... كنت كارهاك ومحملاكش ... ولكن علاش كنحس بقلبي كيضرني ... كون غير هربتي كون غير تخليتي عليا وموقعش هكا ..
بلعات المرار فحلقها : انا غضبانة عليك بزااااف وغنتحاسبو على هد النعسة فاش توكض ...
حطات راسها على يدو كتبكي بحرقة .... دق لباب ودخل جاد .... لكان وجهو دابل : ختي نعمة عفاك سيري ترتاحي را...
قطعاتو بصوت منغنغ : مرتاحة ...
جاد : معتصم غيفيق ومغيعجبوش حالك سمعتي طبيب اش قالك؟؟؟ صحتك عيانة سكر طاح لك ....قلة الماكلة وقلة نعاس هلكوك . .. غيركبك فقر دم ... ايفيق القاك تمصيتي وتساليتي ... ايحيح علينا...
نعمة بجمود : مهلكني والو قد هد نعسة لي ناعس وخايفاه ميفيقش منها ... والى فاق ونساني ؟( شافت فجاد بترجي كتقلب على الطمانينة) والى عمى؟ ولا تشلل ؟ ولا مبقاش كيسمع؟؟؟
ابتاسم ابتسامة صفرة : حمدي الله حيت انت وحد الحاجة كتخص صاحبي وفملكيتو اما كون قجيتك .. ولا جمعتها معاك تيتقرقبو سنانك ...
تنهد كيهدن راسو : نعمة معتصم قوي وان شاء الله مفيوقع والو ( شاف فيه ) تلقايه دبا كيحلم بحور العين ...شمنك يازين ويا سوالف حورياااااات الجنةةة ... وانت كتفقصي راسك وتغددي وهو عايش حتى فاحلامو ...
عضات على شفايفها بغيض : جااااد ...
ضحك : نوضي نوضي سيري نزلي تاكلي شي حاجة ومولاها ربي .. وانت غتموووتي بالغيرة قبل من الخلعة....
وقفات شداها الدوخة : متخرجش من حداه اقد افيق خاص اكون معاه شي حد ...( بامل) طبيب قاليا ممكن ايفيق هد سيمانة فاي وقت
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
