🍂هــــوس مــَا بــعـد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل 🍂: #مروى منصوري
و جموح حنان 🍂
بإشراف :ملاك هانسل
part: 1
جالس جلستو المعهودة المررزنة لي كتشع منها النخوة عاقد حواجبو الزعرين ومرة مرة يسد عيونو العسلية الفاتحة ويحلهم فاش تتقول مو شي كلمة متتقادش مع مزاجو او بالاحرى كَلِمات هما
"راك عارفني اوليدي رجل هنا ورجل لهيه ومريضة ومقاداش حاسة براسي غنموت قبل منشوف وليداتك ونهزهم بيدياتي ونلعب معاهم وديكساع حتى الى جات المووت مرحبا بيها "
تتحاول تلعب ليه على الجانب العاطفي لي معندوش اصلا تتحاول تجبد موتها باش دير بيها مُبرّر يخليه ينصاع لطَلبها ويقبل بيه .
تقاد فجلستو وخلخل صباعو فخصلات شعرو الزعرية بعصبية مكتومة ورجع شابكهم ونطق ببحة رجولية حرشة منها تبان هييبتو ونخوتو
"راسي مخربق وآخر حاجة نفكر فيها دابا هي الزواج [هز من فوق الطبيلة لي قدامو كاس تالقهوة كحلة تقاد ليه مزاجو مع هاد الصباح لي مصبحة عليه مو ورجع تقاد فجلستو رشف رشفة صغيرة ورجع حطو مستأنف كلامو بنفس النبرة] عندي بزاف تالمشاكل فالشرِكة لي فأمريكا خصني نحلهم وغنغبر حتى نصلحهم "
أفأفات بعدم ارتياح ونطقات محاولة تقنعو "وتقدر اوليدي؟! اممم ...تقدر تخلي ميمتك بوحدها مريضة لي منوضني منوض ؟ رجلي ضاراني ومرضي هازاه فوق جهدي على الاقل جيب ليا شي ولية تقابلني حتى تجي "
شاف فيها بنظرة حادة ونطق ببحتو الرجولية" هانا تزوجت...كيفاش غانعيش انا لهيه وهي هنا؟
نطقات بالزرية محاولة تقنعو
"عندك مدة لهيه ومدة معاها وهي بننت ماتهز الراس ماتهز العين ...طايعة وخضوعة وتسمع للهضرة وغير نية ودريويشة كي خواتاتها ماتطمع لا فبرا لا فوريقات"
معزيزش عليه يكثرر فكلام العيالات معروف بكلاموو القلييل وتفكييرو الدّقيف معروف بذكاؤو وكيفاش يخرج راسو من المشاكِل بلا صداع شاف فيها مُطوّلا كيحاول يلقى حل وَسطي يرضيهم بزوج ونطق : الى جبتي شي وحدة غادي غا تعداي علييها حيت انا مباغيش وعمرها اتكون معايا تزوجي بيها نتي
نطقات مقاطعاه بالزربة : صافي اولدي غا نجيبها وعقد عليها وخليها معايا وانا متأكدة غتولفها وديرو وتادكم .
ضرااتو فراسو بكثرة اللغا ناض جامع وقفتو ونطق ببحتو الرجولية الفخمة النااذرة : ديري لي بغيتي [هز قهوتو رشف منها بالواقفية وخرج مخليها غطيير بالفرحة وفخورة بانجازاتها ]
عيطات على الخدامة جات معاوناها تنوض وتشد فعكازها خرجات من ديك الجليسة الصغيورة وبانت جردة كبيرة تتوسطها نافورة مياه كبييرة ضاير بيها شجر الزيتون الخضضرر زايدها جمالية ورونق خاص وفجنابها كاينة جليسة تقليدية تتشع منها النخوة بالزليج الفاسي حداها لاپيسين لي تيعطي راحة للشوفة تتهز عينيك كتبانليك ڤيلة مقادة بطريقة عصرية مكتوب عليها " آليعـقوبــي"
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
