هــــوس مــَا بــعـد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل 🍂: #مروى منصوري و جموح حنان
بإشراف : ملاك هانسل
البارت :45
ابتاسم ليها وفعينيه نضرات فشكل ... قرب ليها بايس راسها : الله اطول ليا فعمرك ...
شافت فشوفاتو وبلى مينطق فهماتو وقراتو ...
تنهدات: دير عقلك ....
شد على يدها بايسها : سليمة عقلي فراسي... ولكن راحتي لقيتها فهبالي... عارف راسي كنتبرهش مرة مرة
هزات حواجبها تجابت لو الضحكة : الالة برهوووووش ... وزهواني وجنوني ضاربين الدنيا بركلة .... راه الى درت عقلي غنمرض راسي براسي ...
بغات تهضر قاطعها : كترة السكات والجدية كتزمتني حيت عقلي كيضل خداااام مكيحبسش كنمرض بكترة التفكير كنلقا راسي هاز الهم لغدا وبعدو وللبارح والماضي كنمرض .....
دوزت يديها على حنكو وعينيها مغرغرين : المكتاب اولدي ...
ضحك ليها وشوفاتو فشكل : عارف ... والحمد لله على كل حال ...
باس راسها واقف : الوليدة سايريني فهبالي ومتحاوليش ديري ليا عقلي ... حيت غير غيمرضني خليني حمق ومحمق معايا قبيلة .... خليني هبيل وهبالي مقبول ....
تبسمات ليه محركة راسها بالايجاب ضرها قلبها عليه: فراسك معتصم مغيدوزهاش ليك ....
جاد بضحكة : جومونفوووو اسليمة يدو فيه كلو مبليسي ...
عض على شفايفو عاطيها بضهر : بغيت نقول متخافيش مغيوقع والو ....
شيرات عليه ببلغتها جاتو فضهر كيضحك مكمل طريق لبيتو ادوش...
تنهدات كدور هضرتو فراسها ... الوليدة كيقولها مرة فشحال ... تبسمات واقفة امكن عندو الحق حلاوتو وقبولو فهبالو تخليه على راحتو .... اصلا كبفوج عليها... وكيسايرها فهبالها ....
نازلة نعمة بعد مخدات دوووش طوووووووووويل بزااااف ..... حسات براسها خفاااافت وانتعشات ... ساعتين وهي فيه ... لابسة قاميجة طويلة تل ركبة خفيفة فالزرق بارد ... وتجينز مزير بيض وسنيديلة خفيفة فرجليها ....
شعرها طلقاتو بلوكلي فازك على طولو ... وكلوز فشفايفها .... وقفات فالمراية لي فاخر دروج كتامل راسها زوينة ولكن فرق الوزن باين بزاف حوايجها وسعو عليها ...
دخلات الكوزينة جابدة قرعة دالشكلاط ومعلقة ... كلسات تتاكل منها ... وخا شبعانة ...
طلات عليها سليمة : ويلي على الدرية راه عاد كليتي؟
هزات فيها راسها بشويا وبضحكة صفرة : ضعافيت باغا نغلاض كما كنت معاجبنيش راسي هكا ....
قربات منها مدوزة يديها على شعرها بحنان : انسالي ونوجد ليك تخليطة زوينة غتبان فيك ف 15 يوم. ...
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
