هــــوس مــَا بــعـد الطـــــلاَق🍂
•ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ•
بأنامــل 🍂: #مروى منصوري و جموح حنان
بإشراف : ملاك هانسل
البارت :35
حسناء: ممممم دبا خويتي عليا قلبك ولكن مزال مجوبتينيش على سوألي ... علاش مدفعتيش طلاق؟؟؟
ضحكات : دزت من مراحل فلول كان عندي امل انه غيرجع ... من بعد ملي تبدلت وزيانيت كانت نيراااان الغضب شاعلة فيا وتسنيتو ارجع باش ندددددمو ... بغيتو اتهرس كما هرسني ... ولكن فنهار صاف بردت من جهتو وكانت حتى خالتي سليمة بقا لها سيمانة ولا قل تبرى ... كنت مقررة نعاود لها وندفع الوراق نيشان بلى تعطال.. ملي صاف قلبي برد من جهتو وقتانعت بلي كنستحق مااحسن ... ملي طوررت من راسي هو رجع ... رجع فاش مبقيتش باغاه ومكنتسناهش .. رجع فاش لغيتو واستغنبت عليه من حياتي ...
سكتات مدة : بحال الى باغي ارجعني لنقطة صفر ...
حسناء:متاكدة قلبك خوى من جهتو ...
نعمة : اه متاكدة مكنحس بحتى شي حاجة من جهتو.. من غير انه كيعصبني وشي مرات تنلقا راسي تندير تصرفات مليقينش بيا وتنتبرهش بسبابو تنحسو تيستفززززني....
رجعات خصلات من شعرها لور تتصنت لختها ...
حسناء: ادن باقي كياتر عليك ...
نعمة : ولكن مكنبغيهش....
ابتسمات ليه : وخا ديري داكشي لكيبان ليك مناسب ...ومن وجهة نضري متزربيش فطلاق على حسب معودتي ليا راه ندم...( هزات حاجبها) وراجل فاش كيندم لعرفتي تستغلي هدشي غيبقا طول حياتودايرك كي الما القليل...
تسمع صوت سوارت فالباب كيدوروو...
صوت غليض رجولي : فاااضمة ...
غمضات عيونها ورجعات حلاتهم بغييض...
نعمة كضحك : حسناء باقي كيعيط لك فاضمة
حسناء بابتسامة : ايوا هدا معطا الله ...
وقفات متوجهة لعندو مبسمة : مسمييييتيش فاضمة ...
سلمات عليه وهزات من عندو تقضية لي فيدو ....
دور يدو على خصرها مقربها عندو : انا اختي مرتي سميتها فاضمةةةة ..مبانت لكش ....
حسناء بدلع : وا حسناء حسناء راه غي جدي الله اسمح ليه غلط فالوراق وكنبغي حسناء كتر ...
باسها فعنقها: وانا كبغيكم بجوج حسناء وفاضمة ...
طلات عليهم نعمة مربعة يديها : حتارموني شويا ولا لا ...
شاف فيها كيضحك مقرب عندو حسناء كتر: سيري عند راجلك انا ومرتي بيناتنا ....
نعمة : مممم ايوا نخليكم فراحتكم ....
طلق من حسناء ضاحك : مرحبا بيك اختي نعمة دار دارك غبرتي علينا ....
سلمات عليه: ترحب بيك جنة اخويا عبد الله ...
حرك ليها راسو : سمحو ليا غنطلع ندوش بينما حطات ليا فاضمة ناكل ....
حسنا: وحسناء حسنااااء ماشي فاضمة ....
ضحك طالع لبيت نعاس مخليها تتنكر ...كان طوويل مترو وتسعين وعررربيييييض مع شويا دالكريشة ... بحوايج شويا مغبرين يديه قاصحين وحرشيييييين ... سمر وحروفو كحلة .... طاشرون دالبني نهارو كامل كيدوز بين سيمة والياجور والرملة....
دخلات نعمة مور ختها لكوزينة : فاضمة شنو مطيبة لخويا عبد الله ....
ضحكات : واه صافي سمبتي حسناء مكنحملش لي بعيط ليا فاضمة ...
نعمة تتدور عينيها فالكزينة : وراه وخا ما سماتك حسنا وبا دابح ليك عليها جدنا لقاد الوراق مسمبك فاااااضمة ....
ولكارط سميتك فاااااضمة
نعمة نازلة من دروج تتمايل بعد مدوشات ونعسات عاد فايقة لقات دراري تيوشوشو فصالة مونجي والكتوبة قدامهم شي تيراجع وشي تيحفض .... خايفين من باهم. ... مطمرين قدامو ....
ريحة الحوت مقلي فداااااار كاااااملة .... الشراجم محلولين وشتاء خيط من سماء داخل وحد نسيم وريحة تراب ....
عبد الله كالس قدام تلفازة صوت الجزيرررة مجهدةةةةة ...
عجبها الجوووو بزاااف ابتسمات ... دخلات لصالون مفيها ميشقا غتزيدها ريحة الحوت غتلصق فيها .... سلمات على عبد الله لنقاد فكلستو تيهضر معاها : اش خبار نسيبنا معتصم ...
سكتت شويا مبتسمة : رفعت عليه دعوة طلاق . .
غوبش مقاد فكلستو كتر : كفاش؟؟؟ اختي نعمة؟؟؟
تنهدات: متفاهمناش...
عض حنكو ملداخل : هو بين راجل ومرتو متيدخل حد وانا معتابرك ختي صغيرة من زماااان ومضاسر معاك ..... وغنقولها لك ابغض الحلال عند الله طلاق ...
نعمة : خويا عبد الله معندي منخبي عليك شحال هدا كنت تنبرر ليكم غيابو بلي ممساليش وخدام وشداها الخدمة برى البلاد ... هو كان نافر مني حيت مكنتتش عاجباه . .
خنزر : معاجباهش؟؟
ميلات شفايفها : مكانش عاجبو شكلي..
مركز مع هضرتها: ودبا
تصبحن على خير دوك الاجزاء لي كنتو كاتسالوني هانا كملتهم
أنت تقرأ
🥂هوس بعد الطلاق🥂( مكتملة )
Action🍂هــــوس مــَا بــعـد الطـــــلاَق🍂 •ومَا الْغِيرَة بَعْدَ الطّلاَقِ ...إِلاّ طَرِيقٌ لِلهَوْسِ وَفِتْنَة الغرَاقِ• بأنامــل : #مروى منصوري و #جموح حنان Diniz El ♥️لــنفتتحهـــا باســـم اللــــــه♥️ عِشــْنَــا لَـيَــالِـــي بَـيْنَ أَحْـضَــانِ...
