الحلقة العاشرة:
في دار عبد السلام....كانت الحالة خامدة...هو ساكت يستنا في رضاها باش ينفذ أمر باباه...وهي ساكتة تناجي في ربي صباح مع الليل لعل وعسى تصرا معجزة وتنحل هذي المشكلة...بعد ما عيطت لسلفتها رقية وترجاتها باش تحكي مع باباها...لأنها عارفة بلي رقية عزيزة بزاف على قلبو...الشيء لي رفضتو فلول رقية بحكم هي بنت باباها وتعرف طبايعو..واذا أمر بحاجة فلازم تتنفذ خاصة في الظروف هادي لي كان فيهم الزواج ضروري...لكن كي شافت حالة جنات الهستيرية خافت عليها وعلى البيبي تاعها ووعدتها تتوسطلها عند باباها...ومن نهارها وهي تسنا فالفرج يجي...بصح الأمل لي كان عندها مات في مهدو..كي شافت مطاقة تاع الكوزينة الطوموبيل تاع عمها تڨاري قدام الدار...ونزل منها بعصاه وعمامتو البيضا وعبايتو الزرقاء...وخلا وراه العساس فطوموبيل...مسحت يديها المبلولين فالمنشفة...وراحت تجري للصالون وين كان عبد السلام واقف مع باباه لي كان نادرا مايخرج مالفيلا تاعو ويجي يزورهم...ومن واجبها تضيفو...لقاتو قاعد فوق الفوثاي.. راحت عندو وسلمت على يدو...أهلا عمي مرحبا بيك زارتنا البراكة!!...مسح يعقوب على راسها وتبسم..ربي يحفظك يابنت خويا الغالية... قدمي اقعدي جنبي...اهيه! وش كاين للغذا ليوم...؟ليوم ان شاء الله راني عارض روحي للغدا عندكم...مرحبا بيك يا عمي على العين والراس...درك نروح نطيبلك وش في خاطرك كامل الغالي وطلب الرخيس...وزربت باش تنوض بصح حكمها وضحك شوية...زيدي شوية يابنتي ومنبعد روحي...ونت يابني مراحش تجيب لبنات نسلم عليهم ؟..ناض عبد السلام من بلاصتو...اني رايح يالحاج...درك نجيبهملك!!..وخزر في عينين مرتو لي كانت تناجي فيه في السر باش يقعد معاها...بصح كان مضطر يروح فخلاها في وجه المدفع مع عمها لي كان قاعد وعصاه في يدو كيما العادة..وكانت عارفة وش راه باغي يهضر معاها...وهاذا الشيء خلا كل خلية من جسمها تتزعزع وقلبها يتعصر لدرجة حستو راح يتفتت...نتما وي سمعتو بدا يحكي بهدوء..جنات راكي عارفة قدرك ومعزتك في قلبي كيما بنتي رقية...اييه ياعمي انا....قاطعها...كي عدتي علابالك يابنتي علاه تخلي رقية تتوسط بيناتنا؟..حشمت وهبطت راسها وملقات متقول...عمبالي عبد السلام حكالك على السبب لي خلاني نطلب منو الزواج من ليلى...راني عمبالي يابنتي بلي ماهيش ساهلة عليك وهادي فطرة زرعها رب العالمين في قلب المرا...بصح أنا بغيتك غير تخمي شوية بعقلك قبل عاطفتك يابنتي..راكي باغية بناتك يترباو في الفقر؟؟ الله أعلم وشمن ناس راح يشاركو أولادي الورث تاعهم غدوة...وأني علابالي ماهيش ساهلة عليك ولا على عبد السلام...بصح راكي تربية يدي ياجنات....أنا لي كبرتك ونعرف طبايعك وقوتك وثقتك في روحك يابنتي لي ميزعزعها والو...سكت يعقوب وبقا يخزر في جنات لي كانت في عالم خلاف من العذاب...وهي تحس بنفسها تتحشر في الزاوية ومكانش وين تهرب...وش راهم باغيين منها؟ تفرح وترضا كي عاد راجلها راح يتزوج عليها؟ باغيين منها تروح تخطبهالو و تحطلها الحنة في يدها؟؟؟....علااااااش يديرولها هكا ؟؟؟ علاش ميخليوهاش في حالها...قلبها وعقلها وجسمها ...راهي الناااار شاااااعلة فيها ملداخل....ماهيش قادرة تحمل كثر من هك مستحييل تصبر....تقتل روحها ومتشوفش عبد السلام مع مرا خلاف....معزتها كيما معزة بنتو رقية؟؟؟...عليمن راه يكذب...يكذب عليها ولا على روحو؟؟ يادرا اذا قرر كمال يتزوج على بنتو رقية كش نهار..راح يرضا عليه؟؟...هذا اذا مراحش فرغ فيه الموكحلة ومقتلوش في ساعتو...لأنو كلشي يهون إلا دمعة رقية...كي شافها ساكتة كمل يحكي..زيدي خمي يابنتي مع روحك مليح...راه مصير العايلة كاملة في يدك نتي...واذا جات رقية في بلاصتك...كانت راح ضحي بكلش بلا متخمم ثانية خلاف...كثرت عليها لمواجع وحست بالسيوف تدخل فيها من كل جيهة...حتى الهواء وعاد صعيب تتنفسو...وحاولت تقول أي حاجة لعمها بصح مقدرتش...ودورت وجهها باش ميشوفش دموعها لي رجعو يسيلو ويدان...وحست بالدنيا دور بيها...واللرض تشطح بيها كيما البابور في وسط لبحر...وبدا قلبها يخبط بسرعة حتى حساتو راح يخرج من بلاصتو نتما وين ناضت بشوية من بلاصتها وهي تحكم في أي حاجة تلقاها في طريقها...بصح حكمها سطر يقتل في لخر تاع ظهرها...خلا رعب كبير يدخل لقلبها وحاولت تتنفس مليح مي منجمتش...وظلامت الدنيا قدامها حتى حست بلي عمات مرجعتش تشوف...لكن الشيء لي خلاها تصدق بلي مزالها تشوف هي النقاط تاع الدم لي سالت على طول فخدها وطاحت مابين رجليها نقطة ورا نقطة...طق...طق....طق....نتما عرفت بلي كلش كمل...ضاااع حلمها....والطفل لي كانت تستنا فيه ينور حياتها ماات!!!!!...
هلو حلوين لو بدكم اكمل القصة اضغطو على نجمة ⭐كي اواصل احبكم كثير واكتبوا في التعليقات كم حلقة بدكم انزل كتبت اكثر من 714 كلمة
