الحلقة 81:
وصل للفيلا ولقاها تستنا فيه قدام الباب تاع برا، لابسة غوب ميني زرقة سوغطاي بليبروثال رقاق، عقد حواجبو ونزل مالطوموبيل وخبط الباب بضيق، قرب منها (ماكيش تحسي بالبرد ونتي لابسة لاغوب هادي؟!) فرشت يديها فوق صدرو لي تنفخ من كثر تأثيرها عليه (ميهمش مدامني نخمم فيك راح نبقا ديما دافية) نهرها حمزة ونحالها يدها تمتم (حنان ر&% رانا برا، إحشمي لايعودو يشوفونا الناس!!) تبسمت وشدتو من يدو تجر فيه وراها حتى وصلو لورا الشجرة، هزت عينيها ليه وظهرها مسندتها على الشجرة (ودرك بعدنا على الناس بزاف؟!) كي شافاتو مزال عاقد حواجبو مقلق، هزت يديها وعنقت رقبتو تهمسلو بدلع قدام شواربو (علاش تعذب فيا يا حمزة؟! علاش متريحنيش...؟!..ربي يخليك..أقعد معاي..!!) فك ذرعيها بلعقل (حنان، هدرنا فيه السوجي هادا بزاف، وقتلك منيش واجد لحتى خطوة خلاف معاك) كملت تمسدلو على صدرو (حبيبي متتقلقش مني أنا باغياتك غير تفرح وترتاح، ياك راك تجي عندي غير باش تلقا راحتك؟!...علاش متخلينيش نريحك؟!) عصر عينيه بضيق كبير وقعد يخمم مع روحو (يا ربك أي باغيتني داري فيا باش تمدلي روحها، ومرتي وجدان، حبيبة عمري كي نبغي نقرب وندي حقي منها تبانلها رغبة حيوانية، هي أصلا معادتش تحمل تشوفني، بصح ياريت نقدر نسمع هدي الهدرة على لسانها، يا ريـــت!!) تسمر بلاصتو كي حس بشواربها يتحطو على وجهو ويتحركو في بوسات صغار، من بينهم كانت تهمسلو شحال باغية تحس بيه وبرجولتو، ويدها قاعدة تلعبو بشعرو، وتشدو ليها كثر تطلب فيه، وبين مرارتو وغريزتو لي شاعلة، ملقا روحو غير مطاوعها مهوش منجم يرفض، وتلاح على شواربها ببوشابوش حتى خرجت منها شهقة، وين دزها للشجرة قريب طبعها فيها، ويديه يعصر بيهم تحت خصرها بالعنف..
كيفكم حلوين
دعم فضلا باي
اكتبوا شو تتصورو يحصل
