For Unicode
" အနီသင်း အနီသင်း"
" အပြာသင်း အပြာသင်း!!!"
ရေသန့်ဗူးသံတွေရော ဖိနပ်နှစ်ဖက်ကို ရိုက်၍ ရော အားပေးနေကြသူတွေက ကျောင်းဘောလုံးကွင်း ဘေးတစ်ဖက်တစ်ချက်မှာ ဒုနဲ့ဒေးပင်။
ကိုးတန်း၊ဆယ်တန်း လို အတန်းကြီးတွေကတော့ အနည်းငယ် အိန္ဒြေရသော်လည်း အတန်းငယ်တွေကတော့ ကွင်းထဲ၀င်ကန်တော့မတတ်ကို စိတ်လှူပ်ရှားနေကြကာ သူတို့နဲ့တင် ပွဲက စည်နေလေ၏။
ထို့အပြင် ရှစ်တန်းမှ စကာ အတန်းပေါင်းစုံက အသင်းတူ တွေကို ရွေးထုတ်ထားတာမို့ အတန်းကြီးသီးသန့်ရယ်လည်းမဟုတ်။ ထို့ကြောင့်ပို၍ပင် ပွဲကစည်နေခြင်းဖြစ်၏။
" မြဲတည် နင်စည်းကို နင်းနေတယ် ဖယ် ဖယ်"
ခုနှစ်တန်းကျောင်းသား ခိုင်မြဲတည်ကြည်ကပွဲကြည့်ရင်း စည်းကို တတ်နင်းထားသဖြင့် အတန်းတူ အသင်းမတူသူ ကောင်မလေးဆီက အအော်ခံလိုက်ရသည်။
" ဟေ့ မြင့်ဌေးဦးလဲ နင်းတာပဲ အဲ့တာဆို "
မြဲတည် ဘက်တော်သား အသင်းဖော်တွေက ဝိုင်းအော်တော့ ထိုကောင်မလေးက အံကြိတ်ပြပြီး မြင့်ဌေးဦး အား လှမ်းဟောက်ပြန်သည်။
ဤသို့ပွဲကဆူ နေရသည့်အထဲ မမ ခိုင် တို့ ကိုးတန်းတစ်စုက အတန်းလွှတ်ပေးလိုက်သည်မို့ ပွဲကြည့်ဖို့ အငယ်တွေနား နေရာလာယူကြသည်။
" အနီ အနီ!!!"
မမခိုင်က ကြွပ်ကြွပ်ကြိုး အပြာရောင်ကို နှဖူးစည်း ထားသည့် မြဲတည်တို့ ခုနှစ်တန်းကလေး တစ်စုကို ဟွန့်ခနဲ ရယ်ပြီး အနီ အနီ ဟု စနောက်ကာ အော်သည်။
" အနီဆို ဒီစည်းမကျော်နဲ့ မမခိုင်။ ဒါအပြာ ပိုင်နက် "
မြဲတည်က စူပုတ်ပုတ်ပြောတော့ မမခိုင်က မြေဖြူဖြင့်တားထားသော စည်းကို ကြည့်ပြီး တစ်ဖက်က ကောင်မလေးပုခုံးကို သွားဖက်သည်။
" တို့အနီက နိုင်မှာနှော "
" ဟွန့် "
ထို့နောက် အကုန်လုံးအာရုံက ပွဲ ထဲပြန်ရောက်ကာ ဒုတိယပိုင်းမှာတော့ အစ်ကိုကြီး တစ်ယောက်က လူစားလဲ လိုက်ပြီး ကွင်းထဲ ရောက်လာသည်။
