For Unicode
လိုအပ်သည်ထက်ပိုသည်းနေသော မိုးစက်တွေကြောင့် ခိုင်ဟာ သူမရဲ့ ယင်းမာဖိနပ်အဖြူအသစ်စက်စက်လေးကို နှမြောတသစွာ ပင် ကြည့်လိုက်မိသည်။
ခိုင် မိုးတွင်းကို သိပ်မုန်းတာပဲ။
ရွံ့နွံတွေ ဗွက်တွေ နဲ့ ညစ်ပတ်နေတဲ့ လမ်းတွေပေါ် သူမခြေထောက်တွေ ချဖို့ပင်မသတီ...။
မကြာခင်မိုးတွင်းကုန်တော့မှာ ဖြစ်သော်လည်း
လက်ကျန်ကာလလေးမှ အကုန်အစင်အောင်ရွာချနေသည့် မိုးတွေကြောင့် ဒီရက်ပိုင်းတွေမှာ ကျောင်းပင်မလာချင်ေလာက်ေအာင်ရှိလှသည်။
ကျောင်းမလာရင်လည်း သူမ တွေ့ချင်တဲ့ လူကို တွေ့ရမှာ မဟုတ်ပြန်ဘူး..။
အတန်းအပြင်ဘက်ကို ခေါင်းလှည့်ကာ အိပ်နေတဲ့ သ၀ဏ့်ကို ကြည့်ရင်း သူမလည်း ခပ်ပြင်းပြင်းကျရောက်နေတဲ့ မိုးစက်တွေဆီကိုပဲ အကြည့်ပြန်ပို့လိုက်ရတယ်..။
" ငေးလှချည်လား ခိုင် "
အပြင်ဘက်ကိုထိုင်ငေးနေတဲ့ ခိုင့်နံဘေးအား ရင်နုက ၀င်ထိုင်ကာ စကားလာေပြာသည်။
သူမလက်ထဲတွင်တော့ ဘိုင်အိုအထူးထုတ်စာအုပ်တစ်အုပ်ကို ကိုင်ထားတာတွေ့ရ၏။
ခိုင်က သူမ၏မျက်နှာလေးကို လှလှပပ မဲ့လိုက်ကာ သက်ပြင်းချရင်း
" ရင်နုက သိပ်စာကြိုးစားတာပဲ။
ထမင်းစားချိန်လေးတော့ နားသင့်ပါတယ် "
" လက်စမို့လို့ပါ ခိုင်ရယ်...။
မြဲတည်ရော မလာသေးဘူးလား "
" အေး သူထီးတော့ပါပါတယ်။လာမှာပေါ့ "
တကယ်တော့ ရှစ်တန်းဆောင်က မြဲတည်ဟာလည်း လာဖို့ ခက်နေတာကို ခိုင်မသိ။
ထီးပါလာပါသော်လည်း အိမ်ကိုထမင်းပြန်စားမည့် အတန်းဖော်တစ်ယောက်အား မနေနိုင်မထိုင်နိုင်ငှားလိုက်မိတာကြောင့် အသွားခက်နေရသည်။
" မမခိုင်တော့ ဗိုက်ဆာနေတော့မှာပဲ "
ဒီအတိုင်းထိုင်နေ၍ မဖြစ်တော့ပြီမို့
မိန်းကလေးအတန်းခေါင်းဆောင် ရီရီစိမ့် ထံသို့ သွားကာ သူမ၏ ပန်းနုရောင်မိုးကာ အား ငှားဖို့ပြင်ရတော့သည်။
