Loving Agon (complete)

C12

12

"Kung ano man ang sinabi ko noong gabing iyon, Sorry. Hmm?"

Tumango ako habang nakalapat pa rin sa'kin ang labi niya. Ang init ng paligid at walang panama ang lamig ng Baguio. Nanlaki ang mga mata ko nang gumalaw ang labi niyang nakalapat pa rin sa'kin. Seconds passed and my lips learned to dance with his. Seconds passed, and his hands are now being wild. And I know what will going to be happened next. The question is, am I ready? "Agon..."

"Hmm?" he asked, as he's still kissing me. Inihinto naman niya ang mapaglaro niyang kamay.

"Matutulog na ako."

Inilayo niya ang mukha niya sa'kin saka ngumiti. Pero inilapit ulit niya ito, para bigyan ako ng isang mabilis na halik. "Goodnight."

Tumango ako saka inayos ang damit kong ginulo niya, ganoon din naman siya. Maski kamay ko pala, naging wild din kanina.

Ф†Ф

Nagising akong parang panaginip lang ang lahat. Nakayakap sa'kin ngayon si Agon, habang kalmado siyang natutulog nang mahimbing. Muntik na namin iyong gawin! It's not that I don't love him, it's just that I'm not yet ready and I'm glad, he respected me. Tinitigan ko siya habang natutulog siya. Hindi ko kasi ma-imagine ang sarili kong nakahubo't hubad sa harap niya. Dahil sa naisip ko'y bumaliktad ang sikmura ko kaya napabangon ako saka nagtungo sa banyo.

Naramdaman ko naman ang marahang pagtapik ni Agon ng likod ko. Kada talaga nagt-throw up ako, tina-tap or hinahagod niya ang likod ko. Nakatutulong naman ito nang husto dahil bumubuti ang pakiramdam ko. Pagdating namin sa kusina'y inabutan niya ako ng tubig.

"Pa-check up ka kaya ulit?"

"Hindi na kailangan. Nakapagpa-check-up naman na ako ngayong buwan. Normal lang talaga ang morning sickness lalong-lalo pa't nasa first trimester pa ako."

Tumingin naman siya sa tiyan ko saka lumuhod. "Baby, huwag pahirapan si Mommy ha?" tanong niyang nagpatawa sa'kin. Nakiliti pa ako nang hinawakan niya ang tiyan ko. "Ano'ng ipapangalan natin sa kaniya paglaki?" Sabay tayo niya.

Napaisip naman ako sa tanong niya dahil wala pa nga akong naisip ipangalan. "Ikaw, anong gusto mo?"

"Ikaw ang magpapakahirap diyan sa magiging anak natin, kaya ikaw ang mag-isip kung ano ang gusto mong ipangalan."

Namula ako dahil sa pagsabi niya ng, 'anak natin'. Ilang taon ko na siyang kasama, halos buong buhay ko, kasama ko siya, at mag-iisang buwan naman na kaming kasal sa darating na six, pero ito at nagb-blush pa rin ako. You can't blame me. I'm only eighteen. Dumaraan pa rin sa pagiging teen ager.

"May naisip ka na?"

"Agon."

"Hmm?"

"Agon Junior."

"Kapag babae?"

"Ara?" patanong kong sagot. Ang cute kasi ng nickname na itinatawag niya sa'kin kaya naisipan kong ipangalan iyon sa magiging anak namin if babae ang anak namin.

"Hindi puwede iyang Ara."

"Bakit naman?"

"Basta. Mag-isip ka ulit."

Nag-isip nga ulit ako. "Princess?"

"Gusto mo bang isumpa tayo ng magiging anak nating babae?"

"E anong gusto mo? Sabi mo, ako ang bahalang mag-isip, tapos puro ka naman pala tutol!"

"Oo nga, sinabi kong ikaw ang bahalang mag-isip, tumututol lang ako kasi iyang suggestions mo, parang hindi pinag-isipan e."

"O edi ikaw nang nag-iisip!"