الحلقة الأولى
م/ 1 نهار/ داخلى شقة اسماعيل- الصالة
تتجول الكاميرا فى الصالة - الصالة بها أنتريه وسفرة ,على اليمين باب المطبخ وطرقة تؤدى لحمام وفى نفس الفتحة باب حجرة نوم إسماعيل وحكمت .
.فى مواجهة باب الشقة توجد حجرتان, حجرة للبنات وحجرة لأولاد
وتتوجه الكاميرا للساعة المعلقة على الحائط وتشير ال السادسة صباحا –
تركيز على شق كبير جدار فى الصالة تخرج حكمت
( الأم -ربة منزل فى الخمسين ) من المطبخ وتتجه للسفرة وتبدا فى رفع الكراسى عليها وتنادى حكمت ياحنان .. ياحنان
تخرج حنان من الحجرة حنان: نعم ياماما
حكمت : خلصتى تنضيف اوضتكم وإلا لسه ؟
حنان : لسه ياماما
حكمت: طيب حد ييجى بقى يساعدنى فى تنضيف الصالة دى فين هبة ؟
حنان: بتنضف أوضة إخواتى
حكمت: روحى كملى شغلك وأنضفها انا وامرى لله
تدخل حنان الحجرة مرة أخرى وتبدا تنفض بصوت عالى ويزعق إسماعيل
إسماعيل: ياناس حرام عليكم مش عارف ارتاح إيه الدوشة دى يوم الجمعة ياحكمت .....ياحكمت
يخرج من حجرته ويقف غاضب حكمت : نعم عايز إيه ؟
إسماعيل: الجمعة ده يوم الأجازة من الصبح خبط ورزع ودوشة
حكمت :الله..... مش بننضف البيت
تنضف كرسى من التراب فى وجه إسماعيل ويكح
إسماعيل :ولازم كل حاجة يوم الجمعة أمال بتعملى إيهطول الأسبوع؟
حكمت :كويس إنك سألتنى والله أقول لك بأعمل إيه طول الأسبوع ياسيدى يوم السبت باروح الجيم ألعب شوية رياضة ويوم الأحد بأقابل أصحابى ونروح نقضى اليوم فى النادى ويوم الأتنين بقى بأروح للكوافير اعمل شعرى ومانيكير وباديكير و ....
يقاطعها بغضب إسماعيل: إيه اللى إنت بتقوليه ده ؟
حكمت: أمال عايزنى أقول لك إيه؟ هو أنا بأقعد خالص ده إنتوا عايزين عشرة يخدموكوا أحمدوا ربنا إنى
