راجس

29

سياف مسح على ظهر راجس الا طالع فيه بشويش
- ما اعرفك وانت لطيف معاي كذا

سياف ابتسم
- لطافتي بتخلص بلحظة ما يدخل واحد من اخوانك من الباب فتمتع بيها تراها حصرية ومؤقته !

راجس نزل عيونه وهو يطالع الارض
- شفتك .. امس .. بالمواقف .. معاه

سياف راحت ابتسامته وهز راسه
- اوك .. لطافتي انتهت انت مستفز

راجس رجع يطالع بسياف
- كان شكله .. حلو ..

سياف عدل جلسته جمب راجس
- جماله مهي ميزته الوحيدة

راجس تنهد
- ايش تضاربتوا ؟

سياف سحب جواله ينشغل فيه
- لاننا وصلنا لطريق مسدود .. ولكل شي وقت ووقتنا سوا انتهى

راجس ظل يطالع بسياف
- بس انت ما كنت تبغاها تنتهي .. او .. ردت فعلك كانت تقول كذا

سياف نزل جواله يطالع راجس
- تبغى توصل لأيش راجس ؟!

راجس هز راسه
- انك تحتاج تكلمه وتعطيه فرصة .. ما اعرف ايش المشكلة الا بيناتكم بس ..

سياف قاطعه بحدة
- بالزبط .. ما تعرف تفاصيل الموضوع فأطلع برته بالطيب ..

راجس نزل عيونه
- اسف ..

سياف مسح وجهه بيده وهو يحس بالعصبية للان .. غمض عيونه وهو يتذكر كلمات مرهف له " انت اخترتهم فخليك مع اختيارك " .. هو اختار اهله ويدري انو مو غلطان .. بس هو ما توقع ينتهي مع مرهف كذا ..

راجس مد يده ومسك يد سياف بشويش
- ب .. ببطل اتكلم بذا الموضوع .. انا اسف سياف

سياف فتح عيونه يطالع راجس .. هو ماله شغل فالمفروض ما يطلع عصبيته عليه .. بس هو يكره يتكلم بذا الموضوع .. مو قبل ما يتجاوزه بعقله وذهنه .. مو الان .. هو ما يبغى يتكلم عن مرهف الان وراشد فاهم ذا الشي ومعطيه مساحته .. بس راجس ما يعرف انو سياف يحتاج مساحته .. فهو فعليا مو ذنبه ..

سياف سحب يده
- خلينا نطلب أكل .. قبل ما يوصل راشد ورازي

راجس سحب جواله وفتحه وشاف كمية الاتصالات الا من جولان فألتفت على سياف
- دقيقة بس

قالها وتحرك ناحيت المطبخ واتصل على جولان الا رد عليه بسرعة
- حماتك ما تحبك

سند ضحك
- شكلها تدعي عليه كل يوم

راجس ابتسم
- أكلتوا بدوني !

جولان
- مو اي اكل ! .. كنا جايبنلك كيكة مكتوب عليها عقبال محكومية ال١٠ سنين بس يعني راحت عليك

راجس ضحك
- اجل بالعافية خلي المحكومية ذي لك !

سند تكلم
- بس ترى طعمها فنان ففاتتك

راجس
- عادي بنجيبها في مناسبة ثانية صاحية بدل ذي .. المهم ما ودكم تجو نتغدا سوا مع اخواني ؟