نواف ألتفت لراشد وناداه
- راشد !
راشد ألتفت ونواف سحب رازي وباسه قدام راشد الا كشر وقلب عيونه
- الله يقلعكم !
نواف ضحك ورازي عض شفايفه
- بطل تسوي كذا وتجلطه ! .. على الاقل عشان خاطر شادي مسكين .. لو راشد مات مين بينتبه عليه ؟!
شادي سحب وجه راشد وهو يبوسه
- سيبك منهم وركز معاي انا
راشد ابتسم ومسك وجه شادي يبوس شفايفه بينما نواف قلب عيونه ورازي جلس يضحك
⚜️⚜️⚜️⚜️⚜️
سند كان نايم بين يدين جولان .. الغرفة اصلا ظلام والوقت متأخر وكل شي هادي حولهم
محد منهم صحي لما باب البيت انفتح ولا احد منهم حس بالاغراض الا انحطت بالصالة ولا حتى بالهوشة الصغيرة الا صارت برة قبل ما يخرج الشخصين من الشقة ويتركوا جولان وسند نايمين بالعسل
⚜️⚜️⚜️⚜️⚜️
صباح اليوم الا بعده
راجس كان واقف في صف انتظار ماك .. هو قال لسياف يبغى يطلبلهم ايس كريم بينما سياف يخلص الاتصال الا جاله من طلال
- ياخي الحياة حابة ترمينا في طريق بعض
ألتفت راجس وعقد حواجبه .. ليش جالس يشوف حامد مرة كثير ؟!
ابتسم بشكل تسليكي
- بديت اشك انك تلاحقني استاذ حامد
حامد ضحك بشويش وهو يوقف جنب راجس
- ابدا .. بس واضح طرقنا جالسة تتقاطع كثير
راجس هز راسه
- في الخير ان شاء الله
حامد عقد حواجبه
- هاه ؟!
راجس التفت يطالعه بهدوء
- طرقنا جالسة تتقاطع في الخير .. مو بالشر ..
حامد ابتسم بشكل جانبي
- طبعا ..
راجس التفت يطالع الصف يبغى يشغل نفسه عن حامد بس حامد رجع تكلم
- بأي مدرسة كنت ؟ .. بالابتدائية يعني .. لاني مشبك عليك
راجس عقد حواجبه
- ما اعتقد انك تعرفني .. ما درست هنا .. كنت مسافر برة من طفولتي
حامد ضحك
- اوه حركات يا الخواجة !
راجس عقد حواجبه
- ماني خواجه .. دراستي برة لاني كنت بوضع يتطلب اني اكون برة مو لاني اخترت ذا الشي
حامد هز راسه
- راشد ايش صار ؟!
راجس طالع فيه باستغرب .. لو هو يعرف راشد فكيف ما يعرف انو راشد محامي ؟! ..
- اداري .. في مكتب هندسي
هو ما يبغى يكذب .. بس قلبه مو مرتاح لذا الحامد فما بيعطي معلومات حقيقية وواضحة
حامد عقد حواجبه
- جد ؟! .. اخر عهدي بيه كان يدرس قانون !
أنت تقرأ
راجس
General Fictionيا حاضري ومستقبلي .. يا جرحي وعلاجي .. يا جنوني واعظم درجات عقلي .. ( عامية جداوية )
