راجس مدد جسمه بشوية تعب .. هو تعب بس هو سعيد انو جالس يسوي شي .. اغلب الموظفين لطاف معاه وللان انعزم على ٣ قهوات وفي طلعتين فطور !
سياف خرج من مكتبه وهو شايل البشت بيده .. عنده جلسة بالمحكمة الان بيروحها ويرجع .. مر على الاستقبال وطالع في راجس وفي الكروسون الا كان قدامه وعقد حواجبه
- ما فطرت من اول ؟!
راجس رفع راسه وطالع بسياف الا كان واقف قدام المكتب وعينه على الكروسون فأبتسم راجس وسحب الكروسون ناحيته
- اسف لو مشتهيه بس مقدر اعطيك شي جابه الحب ليا
سياف طالع في راجس بحده وهو يقول
- ال أيش ؟!
راجس رفع الكروسون واخذ منه لقمة وهو يرفع حواجبه ويتكلم ببرائة
- الحب
سياف مد يده وسحب الكروسون من يد راجس بالقوة
راجس عقد حواجبه
- هيييي ذا حقي !
سياف رفع الكروسون واكل من نفس مكان راجس وهو رفع حاجبه
- خلي الحب يجبلك غيره !
بعدها لف وجهه وتحرك لبرة المكتب بينما راجس عض شفايفه وهو يضحك ويرجع يجلس على المكتب .. هو ما كان جيعان ولا يبغاه .. بس سياف ما اكل من الصباح لانو مشغول ويدري لو عزمه بشكل طبيعي بيتملعن .. فهو طلب ذا الكروسون مخصوص عشانه .. بس سياف ما يدري ..
في الناحية الثانية سياف كان ياكل الكروسون وهو مكشر .. يعني لما صار قدام عيونه بالدوام صار في ناس ثانية تعزمه وتجبله اكل ؟! .. المفروض يجبله اشغال تخليه ما يخرج من مكتب سياف ابدا عشان يضمن محد يقرب من راجس !
دخل سيارته والورقة الا كان فيها الكروسون كرمشها وكان بيرميها بس هو تركها مكان الراكب عشان جاه اتصال بالجوال ..
⚜️⚜️⚜️⚜️⚜️⚜️
سند ابتسم وهو ينزل جولان
- دوام لطيف
جولان قبل ما ينزل مسك يد سند
- لو صار اي شي .. اي شي مهما كان .. دق علي
سند عقد حواجبه
- ليش ؟!
جولان ضغط عليه
- الله يخليك سند .. حتى لو تزحلقت وطحت .. لا تقوم .. دق علي وانا بجي اوقفك .. انت بس خليك مكانك .. طيب ؟!
سند ابتسم
- بكون بخير .. بروح بيت ستي .. ما تحب تفطر لحالها وكل يوم فطورنا سوا
جولان هز راسه
- كلمني اول بأول .. صورلي يومياتك .. وبصورلك كل شي اسويه بالدوام
سند ضحك
- وسرية المعلومات طيب ؟!
جولان ابتسم
- مافي شي سري عندي لك .. كل اسراري مفضوحة عند عيونك
سند حط يده على خده يطالع جولان
- يا حظ الا بتحبه
جولان رجع راسه على المقعدة يطالع سند
- ليش ؟
أنت تقرأ
راجس
General Fictionيا حاضري ومستقبلي .. يا جرحي وعلاجي .. يا جنوني واعظم درجات عقلي .. ( عامية جداوية )
