نواف عقد حواجبه وهو يدخل مكتب سلطان وسامي جالس فوق الكنبة
قفل الباب وراه وتحرك يطالع في سلطان
- ايش في ؟
سامي وقف وهو مبتسم
- مو متعود تشوفني ؟!
نواف ابتسم يطالعه
- متعود اشوفك تصرف فلوس بس بدون ما تجيبها !
سامي قلب عيونه وهو يضحك ويحضن نواف
- طول عمرك حيوان
نواف حضن سامي قبل ما يبعد
- ايش المصيبة الا جابتك ؟
سامي هز راسه
- عندي شغله احتاجك فيها
سلطان تكلم بهدوء
- شغله تخص رازي
نواف عقد حواجبه وألتفت يطالع سامي
- ايش دخل رازي ؟!
سامي ابتسم
- مرهف مو طايقه
نواف طالع في سامي بحدة وتكلم
- اذن مرهف مو مضطر يجلس هنا ..
سامي ضحك
- ايوة ذا الوجه الا ما شفناه من زمان !
⚜️⚜️⚜️⚜️⚜️⚜️
راجس رجع وجلس ورى في السيارة وسياف ينزل أبوه من الدرج عشان يدخل السيارة .. اليوم موعد جلسته للغسيل والدور جا على سياف الا قرر يبطل يهرب من ذي المسؤولية
راجس ابتسم وهو يطالع ابو سياف
- وحشتني يا عم
ابو سياف ضحك وهو يشوف راجس جالس ورى
- وانا اقول البر من فين نزل على ولدي اتارك انت السبب !
سياف قلب عيونه
- ترى ماله شغل !
تركي طالع في راجس
- طلال قالي انك بديت تشتغل بالمكتب .. احسن من جلستك بالبيت
راجس ابتسم
- ايوة .. شكرا لك ولطلال على ذي الفرصة
سياف رفع حاجبه
- تراني شريك بالمكان زيهم !
راجس قلب عيونه
- لا انت الله لا يشتكرلك
تركي ضحك
- صح اصلا سياف ماله اي اسهم بالمكان ولنا فترة ناحلو نصرفه
سياف جلس مكان السواق
- طيب عبروا اني هنا !
تركي هز يده
- سيبك منه اعتبره السواق !
راجس ضحك وهو يسحب الجوال
- ايش تبغى تسمع يا عم ؟
تركي ميل راسه
- ادري وتدري بنفترق ابغى الاصلية حقة عبادي مو احد ثاني
راجس ابتسم وهو يكتب
- ليش يا عمي المفروض تسمع نانسي الحياة حلوة !
تركي ضحك بشويش
- الا كانت محليتها راحت .. انا جالس انتظر اتجمع معاها وصدقني .. بغنيلها وقتها يا بعيد وجابك الله إلين عندي وصلك
راجس شغل اغنية عبادي وكان بيرجع الجوال لسياف بس وصل تنبيه لسياف خلا قلب راجس يدق ووجه ينقلب
- اشتقتلك ..
أنت تقرأ
راجس
General Fictionيا حاضري ومستقبلي .. يا جرحي وعلاجي .. يا جنوني واعظم درجات عقلي .. ( عامية جداوية )
