راجس وقف بالحوش يتنفس وهو يحس بنسمات الهوا الخفيفة تضرب وجهه .. ليته لبس شي أخف .. بس كله بسبب سياف
فجأة شخص سحب الهودي تبع البلوفر ورفعه على راس راجس فألتفت وشاف سياف واقف هناك وريحة الدخان فجأة غزت المكان .. ليش الدخان مع عطره معطيه احساس مختلف ؟
كشر راجس ولف وجهه وهو ينزل الهودي
- ايش تبغى ؟!
سياف مد يده الفاضية لراجس وراجس عقد حواجبه بس مسك يد سياف فسياف شبك اصابعه في اصابع راجس وبقي واقف
راجس طالع سياف
- ايش بتسوي ؟!
سياف هز اكتافه
- اشوف لو تجاويف يدك تناسب تجاويف يدي
راجس طالع بيدينهم
- ليش ؟!
سياف
- يقولو دور على شخص يده مخلوقة ليدك وقلت اشوف فيك .. تعرف الاقربون أولى بالمعروف !
راجس كشر وسحب يده
- بطل تتحرش فيا
سياف ابتسم وتحرك ووقف ورى راجس .. لف يدينه على وسط راجس وحضنه من ورى وحط راسه على كتف راجس واخذ نفس عميق
- اممممم عطرك حتحتاج تغيره
راجس دق قلبه وبلل شفايفه بدون ما يتحرك
- وليش ان شاء الله ؟!
سياف كشر شوي
- راجس ترى السؤال يتجاوب عليه بإجابة مو بسؤال ثاني .. كمان عطرك فيه ريحة برتقال وانا ما احبها
راجس هز راسه
- حلو دحين بمر اشتري ٣٠ كيلو برتقال وازين بيه البيت كامل
سياف ابتسم
- ماني مصاص دماء تبعدني بالثوم
راجس ابتسم ولف وجهه ناحيت سياف
- ايه .. انت غول ما يحب ريحة البرتقال
سياف قلب عيونه وانتبه للقمر في السما مع الغيوم وشكله كان حلو .. رفع راجس راسه وطالع القمر هو كمان وهما ساكتين
محد منهم انتبه لرازي الا كان واقف عند باب البيت ويبتسم ورفع جواله صورهم بسرعة ورجع نزل الجوال ودخل يتأكد انو راشد بعيد
سياف اخذ نفس عميق
- ما اعرف افهمك راجس
راجس تكلم بدون ما يطالعه
- مو كل شي بالحياة نحتاج نفهمه .. احيانا الحاجات الا ما نفهمها تكون افضل من الوعي الكامل .. ما تعرف انو الجهل وعدم الوعي نعمة ؟
سياف ابتسم وغمض عيونه وشد جسم راجس شوي ناحيته وراجس حط يده فوق يد سياف بس هو ما بعد يد سياف .. هو بس شد عليها وهيا تحضنه
⚜️⚜️⚜️⚜️⚜️⚜️
مرهف نزل من السيارة يطالع المكان الفخم وابتسم
- كل كرة بتفاجئني ؟!
سامي ميل راسه
- يعني بحاول أفوق توقعوتك لو مو ملاحظ !
سحب يد مرهف وتحرك معاه لداخل الفندق وضغط على زر الدور ال١٦
أنت تقرأ
راجس
General Fictionيا حاضري ومستقبلي .. يا جرحي وعلاجي .. يا جنوني واعظم درجات عقلي .. ( عامية جداوية )
