راجس

2

- وانتهت الجلسة
بعدها ضرب بالمطرقة على الطاولة ووقف الحضور وبدو بالخروج بينما القاضي سحب اوراق القضية الا بعدها وطلب من الموظف يدخل الناس الا بعدهم

تحرك سياف وهو يسحب اوراقه ويبتسم لراشد
- اخيرا ! .. حسيت اننا ما بغينا من كثر ما طولنا !

راشد هز راسه
- رغم انها ما تستاهل كل ذا الوقت بس الخصم عنيد بشكل مستفز .. احيانا ودي انهي المحاكمة بكفين .. والله في ناس بيتعدلو بذي الكفين اكثر من المحكمة !

سياف ضحك وهو يطبطب على كتف راشد
- محامين من جلادين .. فأنتبه بالله

راشد قلب عيونه وهما خارجين وسحب جواله يفتحه .. دايما يقفلو جوالاتهم ضمن الجلسة عشان لا يشتتهم شي

سياف كمان سحب جواله وفتحه وابتسم وهو يشوف الرسايل ويرد عليها

اما راشد فعقد حواجبه من كمية الا تصالات الا وصلت من رازي ومن قروبهم الا رازي رسل فيه فوق ال٣٠٠ رسالة

دخل القروب قبل ما يدق عليه وشاف رازي كاتب
- راجس ؟ ..
- ولد !
- انت كويس ؟
- جوالك مقفل يا زفت !
- راجس اقسم بالله بجي اتوطى بطنك لو ما رديت !
- راجسسسس

راشد كتب
- ايش في ؟!

بس قبل ما يشوف اي اجابة جاه اتصال من رازي

رفع السماعة وسمع رازي يتكلم بسرعة وواضح انو كان بيجري
- ر .. راجس ما بيرد .. و .. ال .. السفارة صار عليها هجوم ارهابي .. راجس ما بيرد

راشد وقف للحظة يستوعب .. هجوم ارهابي على السفارة .. اول يوم دوام لراجس .. وراجس ما بيرد

نزل جواله من اذنه ودخل على تويتر وشاف الخبر .. مافي اي توضيح للان عن عدد الضحايا او مين هما .. بس اتأكد اصابة ١٧ شخص على الاقل .. مجموعة مسلحين دخلوا .. الوضع توتر والداخلية جالسة تجلي ( تجيب او تخرج ) كل السعوديين من ذيك الدولة ..

قلبه دق بالقوة واستند على الجدار .. راجس ! .. لأ ! .. الغربة اخذت امهم منهم .. امهم ماتت هناك بدون ما تودع واحد منهم .. ما ينفع ياخذوا راجس كمان ! .. مو دحين ! .. مو وهو توه بدأ حياته ! ..

سياف التفت لراشد وشاف ملامح وجهه الا تغيرت وبسرعة نزل جواله وقرب من راشد
- راشد .. راشد .. هييي طالعني

راشد طالع بسياف بعيونه المتوترة فسياف تكلم بسرعة
- تنفس راشد .. خذ شهيق وزفير بسرعة .. راشد طالعني وسوس زيي يلا .. خذ نفس عميق .. راشد !

غمض راشد عيونه وهو يحاول ياخذ نفسه .. تمسك بسياف بيدينه الاثنين وهو يحس بجسمه بيفقد توازنه وبيظحف على الجدار الين جلس على الارض

سياف التفت وزعق في الحارس
- احتاج موية .. بسرعة !

سحب قارورة وفتحها ومدها لسياف الا كب الموية على يده وبلل ثوبه بس هو بدأ يمسح على وجه راشه الا كان يرجف للان .. سياف طبطب على صدر راشد بهدوء
- كل شي كويس .. الكل بخير .. راشد حاول تتنفس .. بليز بس حاول تتنفس