راجس

41

رازي مسك يد نواف وشبك يدينهم في بعض وهما في المصعد .. دوامهم كان خفيف وهادي بعد الفجعة الا انفجعها رازي

نواف ضحك وهو يفتح لرازي باب السيارة وأشر لرازي على سيارة سلطان الا كانت قريبة منهم .. رازي ضحك وهو يقلب عيونه ويدخل السيارة
- لو قلتلي انو يدري كان كل شي اسهل !

نواف تحرك وركب السيارة
- لو قلتلك انو يدري كان حرمت نفسي من الا سويتيه اليوم

رازي طالع بنواف
- اها يعني عجبك جلستي بين رجولك ؟!

نواف حط يده على خد رازي
- لا والله محشوم ومقامك دايما فوق راسي .. بس .. احساس انك كنت خايف علينا .. على الشي الا بيناتنا .. كان حلو

رازي ابتسم وهو يطالع عيون نواف
- لازم اخاف على سعادتي .. انا اناني بخوفي ذاك على فكرة

نواف ظل يطالع عيون رازي
- وانا اناني فيك كلك لو ما تدري .. ولو بيدي .. بخفيك عن عيون كل هالعالم

رازي زادت ابتسامته فعض شفايفه عشان يخبي الابتسامة بس نواف كشر فتفاجئ رازي .. بعدها نواف سحب وجه رازي وعض شفايفه بشوية قوة قبل ما يمصها بصوت مسموع ويتركها

رازي دق قلبه وهو يطالع عيون نواف الا تكلم
- قلتلك لا تعضها .. سيب املاكي في حالها

رازي نزل عيونه وفتح فمه .. هو حرفيا مو عارف يرد على نواف بذي اللحظة .. ونواف نزل يده الا كانت على خد رازي لرقبته ومسح عليها بشويش وهو يراقب ملامح رازي المشتته بين يده .. هل غلط تحب ذا التشتت الا انت سببه في حبيبك ؟!

رازي رفع يده وغطى عيون نواف بيها
- لا تخليها تسحرني كذا

نواف ابتسم ومسك يد رازي باسها بعدين حول وجهه ناحيت الطريق وتحرك بالسيارة وطبعا يده ظلت ماسكة يد نواف كأنه يضيع او ما يعرف يسوق لو يد نواف مو بيده ..

⚜️⚜️⚜️⚜️⚜️

سياف اخذ نفس عميق وتحرك للاستقبال وشاف راجس جالس يرتب في الاوراق

نزل عيونه يطالع الطاولة وهو يكلمه
- خلصت ؟! .. عشان نمشي

راجس رفع عيونه وطالع بسياف
- تقدر تروح .. انا بروح مع طلال

سياف رفع عيونه وهو عاقد حواجبه
- ليش ؟!

راجس هز اكتافه
- ولاشي .. قالي اروحلهم اجلس مع زياد شوي اليوم فقلت اتعرف عليه

سياف عض شفايفه
- يعني ما بتركب معاي ؟!

راجس ما طالع فيه
- نوب .. بروح مع طلال تقدر انت تمشي شكرا

سياف طقطق على الطاولة بأصابعه قبل ما يلتفت ويروح ناحيت مكتب طلال بدل ما يطلع وما فكر يدق الباب هو فتح الباب ودخل وهو يتكلم
- كنسل طلعتك مع راجس