رازي كان يقلب في الجوال لما ظهرله اعلان افتتاح لعبة جديدة بفعالية في جدة فتحمس لما شاف اللعبة وألتفت لنواف
- نوافي
نواف رفع راسه من الشاشة الا يلعب فيها سوني بما انو حاط السماعية بحيث اذن تكون متغطية واذن تكون مفتوحة فيقدر ينتبه لو حبيبه تكلم
- هلا يا روحي
رازي ابتسم
- في فعالية جديدة .. نروحها ؟
نواف ميل راسه
- متى ؟!
رازي عض شفايفه
- اممممم حسب الفيديو الافتتاح الخميس والزحمة بتكون اوفر فنروح السبت ؟! .. اتوقع الزحمة تخف السبت عشان تعرف ثاني يوم دوامات
نواف ضحك
- لا .. عندنا ناس حتروح تلعب حتى لو قبل الدوام بنص ساعة !
رازي
- ايوة بس يعني .. اخف من الخميس .. لو .. لو تبغى يعني
نواف ابتسم وسحب يد رازي
- طبعا ابغى .. اصلا من زمان ما خرجنا سوا .. لمكان
رازي نزل عيونه بشوية احراج لانو ايوة هو جالس يلمح لنواف .. في البداية كان في شادي بالبيت فما كان ينفع يخرجوا .. بس حقيقي مرت فترة ما طلعوا سوا لمكان .. حتى عملهم حاليا يداموه اون لاين فحتى طلعت الدوام سوا فقدها
نواف ترك يد السوني ومسك يد رازي وشبك اصابعه في اصابع رازي
- بجهزلنا جدول كامل .. بعد اللعبة .. طالما ما خرجنا سوا من فترة فما ابغاها تكون خرجة صغيرة
رازي عقد حواجبه
- لا ! .. خليها خرجة صغيرة
نواف رفع حاجبه
- ليش ؟
رازي بلل شفايفه وهو يطالع بيد نواف
- مو لازم كل شي نسويه يكون كبير ومبهرج .. ا .. ابغى اكون ذكريات صغيرة معاك .. تعرف .. انو .. انو نصير روتين بحياة بعض مو ما بيننا الا طلعات مليانة حاجات وكذا
نواف ابتسم
- جلستي معاك وانا ماسك يدك اعتبرها حدث كبير لقلبي ..
رفع يد رازي يحطه فوق قلبه
- لو بيدي احسسك بالطرب الا جوة .. قلبي يرقص سامري كل ما استوعب انك ليا ..
رازي ضحك
- سامري ! .. كذا كثير ترى
نواف سحب رازي ناحيته
- تبغاني اوقف اوريك كيف قلبي يرقصلك ؟
رازي عض شفايفه
- لا لا ! ..
نواف ضحك وهو يبوس رازي
- طيب خلاص .. بس لا تلومني بعدين لما اخطف قلبك برقصي !
رازي غمض عيومه وحضن نواف
- اوك ذي بنتفاهم عليها بعدين
نواف ضحك ورجع يبوس راس رازي قبل ما يرفع راسه للشاشة
- تلعب ؟
رازي رفع راسه يطالع الشاشة
- ما اعرف
نواف ابتسم
- ما تعرف بنفس الطريقة الا فزت بيها على راشد ؟ ولا ما تعرف لانها لعبة جديدة عليك ؟
أنت تقرأ
راجس
General Fictionيا حاضري ومستقبلي .. يا جرحي وعلاجي .. يا جنوني واعظم درجات عقلي .. ( عامية جداوية )
