راجس

104

اليوم الا بعده :

جلس طالع في وجهه بالمرايا .. لو رما نفسه من الطاقة بيكون اسهل صح ؟

هز راسه بالقوة .. هو قال حيعيش .. ايه حيعيش للنهاية وعمره ما بيفكر يقتل نفسه .. هما يستاهلوا يموتوا مو هوا .. هو ما عاش عشان يفكر بالموت اصلا ..

تحرك ناحيت المروش .. هو يحتاج يوري سامي انو بخير .. انو ذيك مجرد نكسة صغيرة .. ما ينفع يضيع كل شي من يده الان

دخل نفسه تحت الموية .. قطرات الموية الا تنزل عليه كانت كفيله تفوقه .. كل ذيك الاصوات تختفي .. وكل ذكرياته تروح .. يحس انو الموية بتغسل اثارهم .. مرة سنين بس .. جسمه للان محتفظ بأثار ذيك الليالي ..

برة الحمام كان سامي جالس فوق السرير .. يراقب الوقت .. لو تأخر مرهف بيدخل يشيك عليه عشان لا يقتل نفسه .. هو فهم انو سوا شي غلط بس لسه .. ما عرف ليش مرهف انهار

رجع يطالع بالصورة الا ارسلها له نواف ( مرهف وهو داخل الفندق عشان يعطي ذاك الشخص فلوس )

الا بالصورة هنا بتثبت انو مرهف رخيص ويبيع نفسه عادي .. بس ليش شخص يبيع نفسه عشان فلوس ينهار لما احد يتحرش فيه ؟ .. مو المهم عنده ياخذ فلوس النومة وخلاص ؟ .. هو كان يبغى يأدبه .. بس واضح انو صحى شي قديم بداخله

رجع يطالع في الملف الا اعطاه هو سلطان .. فيها معلومات مرهف لما جا يتوظف بالمكتب .. خانة الاقرباء كانت فاضية .. عادة ينطلب منك رقم طوارئ واسم قريب واحد ممكن الشركة تلجئ له في حالة صارلك شي بالدوام .. فليش مرهف تركها فاضية ؟ .. هل لأنو ما عنده احد ؟ .. ولا لأنه ما يبغى احد ؟

لقبه معروف وعيلته كبيرة .. حتى لو قلنا انو يتيم مثلا .. اقل شي بيحط رقم ناس من جماعته ؟ .. مو ذا الطبيعي ؟

رجع رفع عيونه يطالع باب الحمام .. ايش صار في ماضيك وخلاك ما تثق في احد يا مرهف ؟

⚜️⚜️⚜️⚜️⚜️⚜️

سياف حرك شعر راجس .. هو نام من ساعة تقريبا .. يضحك انو كان مخطط يسوي نفسه نايم بس هو نايم الان

مسح على خد راجس بشويش .. شي في قلبه سعيد كأنه الوحيد الا يعرف سر راجس ( عشانه صاحي وما يبغى يوري اخوانه انو صاحي ) .. هو الوحيد الا يقدر يطالع لحبيبه على انو ملاك ( على موضوع الحادث ) .. ملاك اتأذى من كل شي حوله

نزل وجهه يبوس جبين راجس بشويش وهمس عنده
- أحبك

بعدها رفع جسمه وبعد عن السرير عشان يشيك على جواله .. وشاف رسالة من طلال

كان يبغى يكلمه بالغرفة بس .. ألتفت وطالع براجس .. هو ما يبغى يزعجه فسحب نفسه برة الغرفة وتحرك ينزل للمواقف يتكلم ويخلص شغله بالسيارة قبل ما يرجع لراجس الا غرفته فاضية لانو نواف ورازي راحوا لدوامهم