راجس عقد حواجبه
- ما بتنزل ؟!
سياف ابتسم
- تبغاني انزل ؟!
راجس كشر
- لا يكفي ما انفكيت منك طوال السفر
سياف ضحك
- طيب ترى بروح اجيبلي ملابس وراجع !
راجس ابتسم بشكل جانبي
- يوووووه يعني غصب تنام معاي في السرير ؟!
سياف طالع في راجس
- مو بس انام معاك
راجس رفع حاجبه
- بقفل باب غرفتي .. يقولو في متحرشين مفلوتين
سياف ضحك
- عندي مفتاح احتياطي .. او اكسر الباب عادي
راجس قلب عيونه
- ويصير راشد يفترج HD !
سياف عض شفايفه وهو يطالع براجس
- لو يبغى عرض لايف كمان ما بقول لا !
راجس ضرب يد سياف
- وجع انقلع !
ضحك سياف وسحب يد راجس يبوسها
- بتجهز نفسك عشاني ؟!
راجس كشر
- بلبس اطول بجامة والف نفسي ب٧ بطانيات !
سياف ابتسم
- الله ! .. كيف تعرف اني احب افتح الهدايا كذا !
راجس قلب عيونه وهو يقفل الباب ورفع اصباعه الوسط لسياف الا بلل شفايفه قبل ما يرفع يدينه .. رفع اصباعه الوسط بيد ويده الثانية سوى دائرة ودخلهم في بعض فراجس قلب وجهه وتحرك
للتوضيح يعني كذا ( 👌🖕)
⚜️⚜️⚜️⚜️⚜️
راشد كان واقف قدام البتجاز القهوة جالسة تفور وهو عيونه عليها
نواف نزل من الدرج وشافه فتحرك يقرب منه
- ايش قال الدكتور ؟
راشد ما التفت لنواف
- يحتاج يدخل المستشفى .. جرعات مضاعفة ذي الشهرين .. عشان نقدر نقدم موعد العملية
نواف نزل عيونه واخذ نفس
- بس ما قال شي عن .. نسبة النجاح ؟
راشد عقد حواجبه والتفت لنواف
- ايش ؟!
نواف بلع ريقه
- نسبة نجاح العملية .. هيا الشي الا المفروض يحدد لو تتأجل او لا .. فما .. ما قالك عن النسب ؟!
راشد سكت شوي
- لا .. ما .. ما جاب سيرتها .. بعدين فين رازي عنك ؟!
نواف ابتسم
- فوق جالس مع شادي .. حسيتهم يبغوا يجلسوا لوحدهم شيو فقلت انزل اتعرف على رحيمي شوي
راشد كشر
- انقلع
نواف رفع حاجبه
- ليش حبوه .. لازم علاقتنا تكون كويسة عشان رازي لا يزعل
راشد قلب عيونه
- انقلع انت وهو !
انفتح باب البيت وراجس زعق
- انا جيت !
راشد التفت وضحك
- مرحبابك
نواف لف وابتسم
- يا هلا
راجس طالع فيهم هما الاثنين قبل ما يعقد حواجبه
- لا ما ابغاكم انتم .. رازي وشادي فين !
أنت تقرأ
راجس
General Fictionيا حاضري ومستقبلي .. يا جرحي وعلاجي .. يا جنوني واعظم درجات عقلي .. ( عامية جداوية )
